SAC Ralkap Nih An Tleih Mi Hna Khuami Minung 3 Cu An Ruak In An Hmuh Hna

Tanintharyi (တနင်္သာရီတိုင်း) ramṭhen Htawai (ထားဝယ်) pengkomh Yephyo peng, Pu Gaw Zun khua mi (ပုဂေါဇွန်းကျေးရွာ) SAC Ralkap nih July ni 31 ah an rak tlaihmi minung pathum hna cu nihin August ni 2 ah dum pakhat chung ah an ruak in char an si, tiah khuami pakhat sin in theih a si.

SAC ralkap nih an thah mi pathum hna lak ah kum 60 leng a si cang mi U Saw Sii (ဦး စောရှီ) ti mi pa cu NLD a ṭanh ruangah an tlaihmi a si i, a dang pahnih zong amah he an rak tlaihchihmi hna an si tiah a chim.

SAC ralkap nih an tlaihmi hna cu khuami nih kan kawl hna i atu bantuk in rubber dum pakhat ah kan hmuh hna. An pathum lak ah U Saw Sii cu meithal in an kahthah i a dang pahnih cu nam in an thah hna, tiah khuami pakhat nih cun a chim chap. Yephyo peng Tabe zun (သဗြေဇွန်း) khua in Pu Gaw Zun khua lei ah SAC nih rallam an sial caah khuami cheukhat cu ral an zaam hna, tiah theih a si. Crd; The Chin Post

Be the first to comment

Leave a Reply

Your email address will not be published.


*