SAC Ralkap Le PDF Kar Kadohnak ah SAC Ralkap 5 An Thi, PDF Lei In Minung 2 An Nunnak A Liam

Tanintharyi ramṭhen, Tanintharyi peng, Kawmapin(ကော့မပြင်း) khua ah SAC ralkap le tualchung hriamtlai phu kar kahdohnak a chuak i, kahdohnak ah SAC ralkap 5 an thi, PDF lei in ralkap 2 an nunnak a liam lengah minung 3 hliamhma an tuar, tiah Tanintharyi peng tualchung hriamtlai phu hna nih cathanh an chuah. August 19 le 20 ah khan tualchung hriamtlai phu le SAC ralkap hna cu voi 7 an i kap. SAC ralkap lei nih tualchung ralkap hna cu an nam hmasa hna caah kaphnih kar kahdohnak a chuak, tiah tualchung ralkap lei nih an langhter.

‌Hliamhma tuarmi PDF 3 cu rianrang in an thlop manh hna caah an thinphan ding a um lo, atu ah cun a himnak hmun ah an phan cang, tiah tualchung hriamtlai phu hna he naihniam in ummi hna nih an chim. Cu kahdohnak ah cun SWDF le Bat-ma-lait (ဘက်မလိုက်) pah-kah-phah phufonh an i bawm, tiah theih a si.

Thawngdang – Ayeyarwaddy Ramṭhen, Wakema khua Dayutmeik hlei pawng ah Yangon kal aa thawhmi tilawng pakhat chung ah rammi, sinak a ngei lomi minung 56 cu August 21 an tlaih hna, tiah palik he naihniam mi hna sinin theih a si. Yangon a kal ding tilawng pakhat chung ah rammi sinak a ngei lomi 56 an um, ti thawng an theih caah Dayutmeik hlei pawng in SAC ralkap le palik nih an bawh hna i, tilawng khaltu telh in minung 56 an tlaih hna, tiah theih a si.

“Zinglei ah tilawng cu checkhlatnak an tuah i, an tlaih. A chung ah rammi sinak a ngei lomi pa 30 le nu ngakchia 26 an si,” tiah palik he naihniam mi pakhat nih a chim. Tlaih a tongmi hna cu Wakema palik le SAC ralkap nih bia an hal hna i, Yangon in Malaysia ah kal aa timmi an si, tiah theih a si. A luancia July 23 ah Pathein peng Shwethaung Yan rili kam ah tilawng nih, rammi sinak a ngei lomi minung 46 a phorhmi hna zong SAC ti ralkap nih an rak tlaih hna. Crd; The Chin Post

Be the first to comment

Leave a Reply

Your email address will not be published.


*