SAC PHU NIH AN THUH NAWHMI, TULUK NIH VAWLEIPI THEIH A PHUAN DIAM

China nih ASEAN kongkau ah rian a khinhmi China’s special envoy to ASEAN Affairs Sun Guoxiang cu SAC sawmnak bantukin Myanmar ah a ra i August 21-28 tiang a caam. SAC chairman Min Aung Hlaing le ralbawi dang hna he tonnak an ngei tiah China nih a thanh. Myanmar ah China palai Sun Guoxiang a ratnak le ralbawi hna he an i tonnak kong hi SAC lei nih cun thanhnak tuah loin an thuh.

Asinain China nih vawleipi theih in a phuan diam. China palai hi Ming Aung Hlaing, Wuna Maung Lwin le Ya Pyih hna he an i tong. China palai nih cun China-Myanmar hawikom sinak hi Myanmar rammi dihlak caah a si bantukin atulio buainak hna hi hman liomi phunghrampi chungah ramkhel tonbiaruahnak ngeih in tuahremh dingah kan i ruahchan tiah a chim.

Cun China nih ASEAN hnatlaknak 5 cu an cohlan nain ramchung buainak kongah ramleng lei i thlak cu kan cohlang kho lo, asinain ramkip hna he i bawm in democracy le remdaihnak a um khawh nakhnga kan in bawmh hna lai tiah a chim fawn. Covid rai dohnak le ngandamnak dangdang zongah bawmhnak kan in pek hna lai tiah Chin palai Sun Guoxiang nih cun SAC ralbawi hna sinah a chim. TCP

Myanmar Junta Seen Cozying Up to China if West Gets Tough | Voice of  America - English

Cabia dang relchih aduhmi caah: Hlasak thiam Benjamin Sum nih tulio harsatnak phunkip lak ah mipi hnemhpah in harsa hna bawmhchanhnak caah online Live Show a tuah lai. Hi konghe pehtlaiin Benjamin Sum nih a timi cu tulio caan ah online in ka hmuhmi chungin harsa pawl hna bawmhchanhnak pe kho dingin ka zuam cuahmah. Tulio harsatnak caan ah thinhunnak tlawmpal te a daih deuh ding le,

Harhbau hna bawmhnak ka pek tthan duh hna ruangah zeidah kan tuah khawh lai tiah khua ka ruat i, Summer Nigth Intro Virtual Live concert cu a ralaimi September nili nirukni zaan ah keimah Benjamin Sum Youtube channel in Kawlram caan zanlei suimilam pakua, India caan in zan pariat ah Live ka thlah lai. Tulio thawngpang chialak ah caan tawite chung vun i harh in Live concert zoh a duhmi hna nih ticket pakhat ah kawlram in 2500 in zuar asi.

Ticket pawl cu Japan ummi caah Thae Thae Joy Siang Pi le Zin Minn Latt, USA a ummi caah Nini Zawkhine le Khaing Zar, Singapore a ummi caah Ck Dim St, Macau ummi caah Msi Chhakchhuak le Christian Rahab Sui, Norway a ummi caah San Mary Lian, India a ummi caah Benjamin Thante sin hna ah chawnh khawh asi tiah a langhter.

Hlasak thiam Benjamin Sum cu a nu ngamdam lonak ruangah Mizoram Aizawl khuapi a um cuahmah lio a si i, Mizoram a um chungah Online in tangka a hmuhmi hna cu Kawlram ralzam, Chin ralzam hna le harsa hna caah bawmhnak a rak pe cang mi a si. Tutan ah hi bantuk in bawmhchanhnak caah tiah aa timhtuahmi ah thaazaang pecio hna usih.

Be the first to comment

Leave a Reply

Your email address will not be published.


*