Russia Vanlawng Cu Kawlram Naypyidaw Ah A Tum

July 25, ah Russia vanlawng, IL76TD thilphor vanlawng cu Naypyidaw ah a ṭum i July 26 ah a chuak ṭhan tiah theih a si. Nihin July 27 ah Russia thilphor vanlawng IL76TD cu a phan ṭhan i thaizing July 28 ah a kir ṭhan lai. Cun, July 29 ah cu vanlawng cu a ra ṭhan lai i July 31 ah a kir ṭhan lai, tiah theih a si. Naypyidaw ah ṭum mi Russia vanlawng pawl nihhin Ralkap hriamthil an phorh lai, tiah zumh a si.

SAC ralkap nih vanlawng le helicopter an hman tuk caah vanlawng datsii i zat lonak le kuan, hriamthil i zat lonak a phan. Russia le Ukraine an i kah hnu in ah ramkip chawlehthalnak a tlak tuk caah Russia zong Dollar an herh tuk cang i, Dollar rak laak ding in Naypyidaw tiang an rak phan. Cu bantuk buainak ruangah cun SAC nih hriamthil an ngeih khawhnak ding ah dollar an tlaihnak hi a si, tiah Operation Spitfire nih an thanh.

Thawngdang – SAC nih uknak lak ni 2021 February 1 thok in tu kum July 15 tiang ah Biaknak lei inn tel in Inn 28000 lengan khangh cang tiah ISP Myanmar nih an thanh. Sagaing ramțhen ah inn 20000 leng, Magwe ramthen ah 5000 leng an khangh i a tam bik ramțhen an si. Tukum July 1 in 15 karlak chungah inn 535 leng an khangh i cu chungah cun Sagaing ramțhen ah inn 280 leng, Magwe ramțhen ah 230 leng an si.Crd; The Chin Pos

Be the first to comment

Leave a Reply

Your email address will not be published.


*