RIP. TUCHUN AH RALHRANG NIH SUALNAK NGEILO MINO 2 AN THAH TTHAN HNA

Tuchun ah ralzam pawl ei le din a va lakpiak mi Mino pahnih cu ralhrang kawlralkap nih an kahthah hna tiah theih asi. Kaya ramkulh Demawso khuapi pawngah a ummi ralzam hna caah tiah mino pahnih hna cu khuachung ah ei le din lak dingin an kal. Cu ahcun ralhrang kawlralkap hna nih an kah thah hna. Demawso ah hin PDF le ralhrang kawlralkap karlak ah biatak tein i kahnak a chuak.

An i kahnak ah hin ralhrang kawlralkap lei in minung tampi an nunnak aliam ti asi. PDF hna nih ralhrang kawlralkap lei hi minung pali an tleih rih hna. Atu tiang theih khawh tawk ah ralhrang kawlralkap lei a nunnak aliammi hi minung pakul hrawng an si cang tiah an langhter. Tukdohnak a fah tikah ralhrang kawlralkap nih cunglei raltuknak vanlong tiang an hman cang.

Hi bantuk in i kahnak a fahtuk caah khuami mipi hna cu a thonghra hrawng an zam cang ti a si. Apeh peh in an i kah tikah khuami hna cu khuachung zongah an lut ngam ti lo. Cubantuk in ralzam an tam tikah mino pahnih Alfred Ludo le Patrick cu khuachung ah ei le din cawk ah an kal. Mino pahnih hna cu tuchun ah ralhrang kawlralkap nih an kah thah hna tiah an chim.

Mipi zawnruahnak in khuachung akalmi mino pahnih hna hi ralhrang kawlralkap nih biahalnak zong an tuah hmasa hna lo. Zeihmanh bia chim loin an kahthah hna pin ah an ruak zong ralhrang kawlralkap hna nih an kaltaak hna hnu ah mipi nih an ruak cu an char tiah an langhter. Ralhrang kawlralkap hna nih sualnak ngeilo minung an thahmi hna hi a tam ko cang.

No description available.

Thawngpang Dang:People Defense Force an meithal tamngai an tleih piak hna. People Defense Force nih Thailand ah an cawkmi meithal hna cu tleihpiak an tong tiah an langhter. Hi konghe pehtlaiin thanhnak an tuah mi cu Shan ram, Tachileih ah kuat dingmi hriamnam meithal hna cu Thailand ram ah an tleih piak hna. An tleihmi meithal hi zun 30 hrawng asi tiah an chim.

Hi thil a can hi tuni May ni 27 ah a si i, mah meithal hi Thailand ah an cawkmi zong a si. Thailand in Tachileih ah kuat dingmi asi nain vanchiat ah Thailand ramchung a simi Mesang ah Thailand palek hna nih an tleih tiah thanhnak an tuah. Meithal lawng siloin a kuan zong an tleih chih tiah an langhter chih. Ralhrang kawlralkap dohnak caah hriamnam an tleihmi cu a poi ngaingai ko.

Be the first to comment

Leave a Reply

Your email address will not be published.


*