RIP. MIPHUN LE RAM CAAH A DAWTMI A NUPI LE A FAPA A KALTAAK HNA

A miphun a dawttuk ruangah a nunnak aliam. Kareni ralkap Shye Phey cu mipi a runvennak ruangah ralhrang kawlralkap kahnak in a nunnak aliam tiah thanhnak an tuah. Nizan June ni 11 chun hnu ah mipi hmunhim an phaknak dingah lam a hruaitu Kareni ralkap Shye Phey cu ruahlopi in ralhrang kawlralkap hna he an i tong, mipi zong hual loin ralhrang nih an kah hna.

Cutik ah mipi pawl hna cu a himnak hmun ah a kalter hna. Mipi an runvennak hna ah amah zong a nunnak aliam. Shye Phey hi Demawso khua ah a chuak mi a si i, aliamcia kum 2013 in ram le miphun caah Kareni hriamtlai sin ah a lut. Raltuk lei ah hin thiamnak sang zong a ngeimi a si. Cu ruangah amah hi mipi rungvengtu dingah hruaitu lutlai ah an chiah mi a si.

Ralhrang kawlralkap le PDF i kahnak ah minung zakhat renglo hmunhim ah a rak chia khomi a si. Tuni tiangah Kayah ramkulh ah PDF le ralhrang kawlralkap hna cu pehzulh in an i kap cuahmah rih. Ralhrang kawlralkap hna nih hriamnam ngan in mipi umnak inn hna cu an kah hna caah mipi pawl zong hmunhimnak hmun ah an zaam hna. Ralzam pawl hna cu ei le din kongah harsa ngai in an um hna tiah an langhter chih.

No description available.

Thawngpang dang:Ralhrang kawlralkap nih KIA, KNU, KNPP hna cu rampi buainak a chuahtertu minung training apetu an si tiah thanhnak an tuah. Tuni June thla ni 12 ah ralhrang kawlralkap lei nih media he I tonnak an tuah I cu ah cun rampi buaibainak a chuahtertu mipi hna cu KIA, KNU, KNPP hna nih bomb puahter ning cang le a dang raltuknak ah thiam a herh mi pawl cu tintan an pek hna tiah an chim.

KIA sin ah bomb puah ning le a dang a herh mi tintan a rak kai balmi minung 2 hna cu June thla ni 5 ah Yangon Htauh Cianh ah ralkap hna nih an rak tlaih hna. Cu minung 2 hna cu ralhrang kawlralkap lei nih bia an hal hna tik ah KIA brigade 3 nih a tuah mi tintan ah a dang minung 140 leng he kan rak kai bal tiah an phuan tiah ralhrang kawl ralkap lei nih cun an chim.

Cu pin ah KNU sin in tintan kai in a rak kir mi minung 3 hna zong June thla ni 8 ah ralhrang kawlralkap nih an tlaih hna I cu hna nih cun KNU nih a tuahmi tintan ah a kai mi kan si. Yangon hmun hnih ah bomb kan hmanh I kan puah tiah an phuan tiin ralhrang kawl ralkap lei chimnak nawlngeitu General Zaw Min Htun nih cun a chim.

KNPP sin ah tintan kai dih in a kir mi minung 70 leng zong April thla dih lai ah kan tlaih hna tiah Zaw Min Htun nih cun a chim chap. Tlangcung hriamtlai phu cheukhat hna nih rampi buaibainak a chuahter tu hna cu thaapek in tintan an pek len hna. Training an pek mi hna pawl nih cun sianginn le cozah zung a simi hmunhma pawl ah bomb an puah len.

Ralhrang Kawl Ralkap lei nih hibantukin an puhmi konghe pehtlaiin KNU, KIA le KNPP cu BBC nih pehtlaih khawh kan zuam lio hna asi. Kachin ram chung ah PDF pawl an cawlcangh ding asi ahcun KIO/KIA hruainak tang lawng in cawlcangh ding in KIA le chimnak nawlngeitu Buhmugyi Naw Bu nih a luancia mi ni tlawmpal ah thawng a thanh.

Be the first to comment

Leave a Reply

Your email address will not be published.


*