RIP.DALAN LIHCHIM RUANGAH SUALNAK NGEILO RALHRANG NIH AN THAH

Apoi ko. Dalan ruangah sualnak ngeilo minung pakhat ralhrang kawlralkap kahnak in a nunnak liam. Tuni ah ralhrang kawlralkap nih Mandalay ramthen Myothit sangah a ummi Moe Myint Aung cu a inn ah an kah. Tuchun suimilam hleikhat le cheu hrawngah ralhrang kawlralkap hna cu minung tthenkhat nih ningcang loin thawngpang an pek hna.

Leirawitu hna nih ralhrang sin ah an chimmi cu Myothit sangah meithal angeimi minung paruk an um tiah an chimh hna. Ralhrang kawlralkap hna nih Myothit sang ah an kal hnawh hna i, mino paruk an va tleih hna. Moe Myint Aung te inn ah ralhrang an vaphak ahcun innka an rak on lo ruangah meithal in an kah i, inn chungah a ummi Moe Myint Aung cu apaw ah an khen.

No description available.

Cuticun a hliam tuar loin a nunnak aliam tiah an thanh. Hi konghe pehtlaiin Myothit sangah a ummi minung pakhat nih a chimmi cu Dalan nih ningcang loin ralhrang kawlralkap sin ah thawng apek hna. Ralhrang nih mino paruk an tleih hna. Cu ahcun Moe Myint Aung cu ralhrang kawlralkap nih an kah thah. A nupi hi nau a pawi lio mi asi tiah a chim.

Ralhrang kawlralkap hna nih an tleih mi hna pawl cu khoika hmun le hma ah dah an kalpi hna timi theih asi lo. Cun ralhrang kawlralkap nih an thahmi Moe Myint Aung ruak zong chungkhar sin ah a phan rih lo. Chungkhar hna nih a ruak an hngah lio asi. Thaizing tel ahcun a ruak hi phan kho hram sehlaw tiah a nupi nih aa ruahchannak a chim.VP

No description available.

Theihtlei:Nu Nih Kan Dl Le Cungah Kan Tuah Lo Dingmi 10: Pakhatnak. Midang pa/ex le he tahchunh. (Pa nih an huat cemmi zei bantuk minung an si ko zongah midang he kan tahchunhmi hna khi an si). Pahnihnak. A hawikom hmai ah na thin hun buin hro hlah. Darling le mi hmai ah hro cu midang nih zohchuk hna seh ti bantuk he aa lo.

Pathumnak. A hawikomhmi hawikom cungah i thlak hlah. Na darling hawikom ṭha ngei seh ti na duh bantukin hawi he aa lo lo deuhmi hawikom zong a ngei kho men ko. Buainak an chuah lo cun a chia bikmi a hawikom dawt zong kha cawng tawn ve. Palinak. A hawikom pa he ṭuk ṭak tuah an timh tikah thloh hlah. Nangmah ruangah midang nih an kom duh lo kho men. Puitling a si bantukin uk siloin siaherhtu kha a biapi.

Panganak. Zu ding a si ti na hngalh ko buin na vatmi pa cu zu a din paohah na buai hnawh peng ahcun chungkhar nan buai peng ko lai. Aa phiat khawhnak ding ah lam a kawltu le a bawmtu na si tu a herh. Paruknak. A hawikom pa he an um tikah phone in call lengmang hlah. Mah lio caan ahkhin a hawile nih an rak nek khawh men. Sik a herhnak a um cun nanmah pahnih nan um ṭi tikah na lung um mi chim ve ko.

Pasarihnak. Zu ding lo paoh hi pasal ṭha ah ruat hna hlah. Zu a ding lomi midang pasal na upat lenmi nakin zu a dingmi na pasal na dawtmi kha a miak deuh. (Zu din ka dirpi tinak a si lo). Pariatnak. A chungkhar chiatnak kha a hmai ah chim lengmang hlah. Na darling hmai ah a chungkhar chiatnak kha na chim peng a si ahcun dawtnak a um kho lai lo. A chungkhar cungah na lung a fah a si ahcun amah tu kha vuivai loin bia tu ruah law cu nih cun daihnak a chuahter deuh lai.

Pakuanak. Nangmah he lawngte caan hmang seh ti duh hlah. A ngakchiat tein hawikom he a ṭhangmi a si bantukin a upat hnu zongah hawikom a herh philh piak hlah. Cucaah hawikom he caan hmannak pe tawn ve. Pahranak. Nu lawng hi laksawng ngahtu ding kan si tiin ruat hlah. Na dl nih a herhmi zohpiak i zuam law a caan ah laksawng tete pe tawn ve. A duhmi tete cawkpiak tawn ve. Cu nih cun upat awktlak nu an si ter lai.Note: Nan dl le sining cu nanmah cio nih nan theih. Nain kan luan lo tu a biapi. Credit: Nunu-NS

Be the first to comment

Leave a Reply

Your email address will not be published.


*