RALKAP CHUAK KA, USDP LE KHUABAWI ASI MI FAK TUK IN A NUNNAK AN LAK

Thawngpang chia lawngte aa zul ko cang kawlram cu, tuchun ah Kachin ram phakhanh ah ralkap tthing a ttuanmi USDP party lawng siloin khuabawi zong a ttuan chih mi U Myint Maung cu nam in an sawh pin ah meithal in an kah tiah theih a si. Hi konghe pehtlaiin thawng zamh nak nih a langhter ning cu a tanglei bantuk in hin a si.

Phakanh peng Sancawi (ဆန်းကြွယ်) khua ah khuabawi a ttuanmi le USDP party a simi U Myint Maung cu minung pathum nih nam in an sawh pin ah meithal in an kah tiah theih asi. Hi thil a caan cu tuchun suimilam pasarih hrawngah a si tiah khuami hna nih an chim. U Myint Maung nam in a sawhtu le meithal in a kaptu minung pathum hna nih hin a inn chung ah an luh hnawh.

U Myint Maung cu nam sawhnak in le meithal in minung pathum hna nih an a inn chung ah an luh hnawh in thil an tuah caah a nunnak aliam colh tiah an chim. Tutan ah a nunnak aliammi U Myint Maung hi tuan deuh zongah khuabawi a rak ttuan cang mi zong a si. Culawng siloin amah hi tutan thil a can lai dingmi zong hi a hlan ken in thawngpang aleng cang tiah an chim. Khuami nih an chimmi cu ralkap in a chuak i USDP party ah a ummi asi tiah an chim.

May be a close-up of 1 person

Relchih:Ralhrang kawlralkap an lor chin lengmang cang. Moe Kaung khua ah ralkap nih ningcang loin mithal an puah len. May thla ni 9 zan nazi 8 le 9 karlak ah Moe Kaung khua chung ah ralkap nih mipi tih lau hna seh tiin ningcang loin mithal le bomb an puah len tiah khuami hna nih KNG media ah thawng an pek. Myodaw khanma pawng i ummi zung hmai ah voi 3 hrawng meithal an puah.

Cun lam I a chawk mi cycle pakhat zong an kah len. Pha Kanh lei kalnak hlei lei zong ah meithal le bomb puah thawng kan theih len. Cun khua chung Cun Taw hlei pawng zong ah an kah len tiah khuami nih an chim. Cycle a cit mi khuami cu an vuak I bia an hal len. Nazi 11 tiang hi meithal thawng kan theih rih.

Ralhrang kawlralRalkap hna nih ning cang loin kah nak an tuah ruang ah a luan cia mi thla chung ah hliam a pu mi khuami an um tiah theih a si. Ralhrang kawl Ralkap lei nih zaan chiar te meithal puah in mipi an thih phaih hna. Asi nain tu tiang ah khuami hna nih ralhrang kawlralkap duh lonak cu ni tin an langh peng tiah Kachin News nih alanghter.

Be the first to comment

Leave a Reply

Your email address will not be published.


*