RALHRANG NIH VUTCAAM AH AN CANTER DIH EE, RIP

Ralhrang kawlralkap Sagain ramkulh Pule peng, Tarin khua cu April ni 18 ah Suimilam pakhat le minute 30 ah an luhnawh i, minung pakhat an tlaih hnu ah an thah. Cunglawng siloin ralhrang kawlralkap nih khua inn 92 vutcaam ah an canter dih tiah khuami pakhat nih thawngzamhnak ah a chim.

Ralhrang kawlralkap hna nih khuachung hna cu hriamnam ngan in an kah hnu ah khuachung ah an lut i, khua chung ah a ummi minung pakhat an tlaih i, an thah. Hi konghe pehtlaiin mipi vengtu ralkap Golden Triangle Force zong nih thanhnak an ve.

May be an image of outdoors and tree

Thawngpang dang. Kahdohnak 50 leng ah SAC ralkap 90 deng an thi tiah KNU nih a thanh. Karen National Union (KNU) battalion 6 hmunhma ah April 15 tiang kahdohnak voi 55 a chuak i SAC ralkap 90 deng an thi tiah KNU Headquarter nih April 18 ah a thanh.SAC ralkap pawl nih fur a tlak hlan ah hmunhma pawl lak an duh caah kahdohnak a chuak rih ko lai tiah KNU ramdang lei rianngeitu Pado Saw Taw Ni nih RFA ah a chim.Kahdohnak a chuak rih kho men. An mah lei nih fur a tlak hlan ah kan doh dih lai, a hlei in hmunhma pawl lak ding an ti caah kan mah lei nih kan kham hrimhrim a hauh caah kahdohnak cu a chuak rih ko lai.

Karen ram, Kawkareik peng chungah kahdohnak a tambik a si i SAC nih kahdohnak vanlawng an hman tiah KNU nih a langhter.April thla cheu chungah SAC ralkap le BGF 87 an thi i 45 nih hliamhma an tuar tiah KNU nih a langhter i KNU le KNLA phukomh in minung 12 an thi i 17 nih hliamhma an tuar tiah a thanh.Kahdohnak chung SAC hriamngan ruangah mipi 4 an thi i 8 an i hliam tiah a langhter.CDM tuah si loin kahdohnak ruangah mipi lei a tangmi SAC ralkap 100 leng an um cang tiah a thanh Pado Saw Taw Ni nih a chim. Credit:TCP

Be the first to comment

Leave a Reply

Your email address will not be published.


*