RALHRANG NIH INN CHUNGKIP LUT IN MINUNG AN CHECK CANG

Kawlralkap ralhrang pawl nih chungkhar lunghrinh in an luh hnawh thluahmah hna. Lido lampi cung ah a ummi DuanBungKha khua inn chungkhar hna I an fa le hna cu ralhrang kawlralkap hna nih KIA ah nan I tal tiah chungkhar minung hna cu an check cuahmah hna. Kachin ram Phakanh peng Lido lampi cung I a ummi Duan Bung Kha khuami hna I innchungkhar member hna chung in KIA ah a lut mi an um tiah ralkap lei nih innchungkhar kip cu an check len hna tiah theih asi.

Tu zing in tutiang ah inn kip vak in an check len ko rih hna tiah thawngzamhnak nih alanghter. Inn pakhat leh bang ah cun suimilam 3 chung bak bia an hal hna ti asi. Nan fale KIA ah an lut maw tiin an hal len hna tiah khuami pakhat nih a chim. Hi tiin an kan check len caah KIA pawl nih an hmunhma in rak chuah in ralkap he an I kap la ti kan phan caah a cheu cu zam an I tim tiah theih asi. Duan Bung Kha khua hi ralkap sakhan 3 a umnak hmun a si.

May be an image of outdoors and text that says "Dumbung Hka と"

Thawngpang Dang: Mindat dirhmun a tha lo lungrethei asi, pa vialte tlaih an si I hngakchia pawl zong hliamhma an pu cang. Chin ram Mindat peng ah ralhrang kawlralkap lei nih pa poah poah an tlaih len hna I hngakchia pawl zong hliamhma an pu tiah People Defense Team nih thawng an thanh. Mindat khuachung ah a ummi pa poahpaoh an tlaih len hna kutka pawl tiang hrawh in an luh hnawh hna I an tlaih hna tiah theih asi.

Mawtaw lam in a ra mi ralkap mawtaw poah cu an kham khawh ko hna nain vanlawng in voi 30 tiang khuachung ah hriamnam tling in an kah hna pin ah ralhrang ralkap pawl cu khuachung ah hmunhma an la. Kyaut Htoh lei zong in hriamnam ngan pipi he an vun kah I inn chung tiang ah kuan le bomb pawl a tla tiah theih asi.

Ralkap lei brigade 274 zong nih hriamnam ngan an hman pin ah sniper pawl cu khuachung ah an I chawk I mipi pawl cu an kah len hna caah hngakchia pawl an ke le an lu ah fak tuk in hliamhma an pu. Sinain a tu tiang sii an I thlop kho rih hna lo tiah theih asi. San Piah sang cozah inn zong ah hriamnam ngan mi a tlak caah a hliam mi mipi an um. Khuachung zong ah zing lei 7 in chunhnu nazi 3 tiah ralkap lei nih an kah len hna tiah CDF lei nih thawng an thanh. KTM

Be the first to comment

Leave a Reply

Your email address will not be published.


*