RALHRANG NIH CDM A LUTMI PALEK UNAU HNA I HRINGTU A NU CU AN AUH I

Ralhrang Kawl Ralkap uknak duhlonak rak langhter ruangah Kyant Khin khua ah a um mi palik unau hna 2 cu ralhrang kawlralkap lei nih an rak tlaih hna I thong kum khat thlak ding in biaceih an rak si. Tuni July ni 1 ah palek unau hna I an nu sin ah ralkap minung 2 an ra I na fapa le nih cozah sin ah Covid ချေးငွေ an r‌ak cawi mi ting 6 le thong hnih cu na cham than a hau tiah an rak hal.

Cun Ka fapa le nih a hlan cozah sin ah tangka an rak cawi mi cu ka theih ko tiin hringtu an nu cu ralkap nih min an thutter. Hringtu nu nih min ka thu lai loh a ti caah ralkap sakhan hmu nih rak ka tong seh ati. Sakhan hmu cu kan nu nih a va ton tik ah na fapa le nih tangka an cawi mi a si. A lakka in pek mi an si lo. Na cham than a hau tiah a rak ti tthan.

Kan nu nih kan pe kho hna lai lo a ti I inn a rak lawi nain kan fapa le a hmuh chap than in thong sautuk an thlak sual hna lai ti ka phan caah sakhan hmu pa cu tangka cu kan cham ko hna lai tiah kan nu nih a ti tthan tiah U Thanh Zin nih a chim. A fapa le cu thong ah sau tuk an chiah sual hna lai ti a phan caah an nu nih cun ralkap cu July ni 15 ah a zatein kan cham ko hna lai tiah sakhan hmu pa cu a chimh tiah theih asi. Palik unau hna 2 cu a tu lio ah Pathein thonginn ah chiah an si I an pa zong ralkap nih an kawl len caah a zam lio asi tiah theih asi.

May be an image of one or more people, people standing and road

Thawngpang dang: Thawngpang ttha taktak a si cang. France hluttaw a mat pawl nih NUG cozah cu phung ning tein cohlan ding in min an thut. NUG cozah cu phung ning tein cohlan ding in France hluatdaw a mat minung 150 renglo nih tu ni July ni 1 ah min an thut tiah Dr. Sa Sa nih a facebook ah a tarmi chungin thawng thanhnak an tuah.

Kawrlram ralkap SAC hna nih mipi cungah ning cang loin an tuah mi thil vialte cu dihter ding in siseh an tuah mi cungah dantat dingin France hluatdaw a mat pawl nih France cozah pi sin ah an nawl tiah theih asi. France hlutdaw a mat hna I an biachahnak le an tuahsernak cu Myanmar ram mi hna ralkap uknak kuttang in luat I mipi zate an I talmi Federal Democracy ram pi dirhnak ding caah a biapi tuk mi kar hlan nak asi tiah Dr. Sa Sa nih a chim.

Be the first to comment

Leave a Reply

Your email address will not be published.


*