RALHRANG LEI TTANG, CACHIMTU MEETING AN TUAH LIO AH BOMB A PUAK

Yangon Hlaing Tharya ah htahka (3) sianginn pawng ah bomb a puak.Nizan May ni 4 chun lai hrawng ah ralhrang kawlralkap kuttang ah riantuan mi cozah riantlai pawl cu Hlaing Tharya no (17) sang htahka (3) ah meeting an tuah. Cu meeting an tuah lio ah sianginn pawng te ah bomb a puak tiah mah ka sang ummi mipi hna sin in theih asi.

May be an image of street, road and tree

Meeting an tuahnak a ruang bik cu Sya/sayamah pawl nih sianginn awn than khawh nak ding caah meeting an tuah mi asi. A biapi deuh mi meeting poah hi cu mah ka sianginn ah an tuah tawn. A tu hi a voi hnihnak meeting an tuah asi tiah mipi sin in theih asi. A khawngdeng mi cu an um lo tiah kan theih. Bomb a puah tlawmpal ah ralkap pawl an rak phan i security an lak tiah theih asi. Mizzima

May be an image of outdoors

Relchih Thawngpang Dang. May 4, ah Britain ram London khuapi ah G7 ram hna meeting cu thok a si cang. Hi meeting hi ni hnih chung tuah a si lai. Thaizing an peh rih lai. Tutan meeting ah inntek a simi Britain nih hramhram in nawlngeihnak a latu ralkap (State Administrative Council) he aa pehtlaimi riantuannak vialte dantatnak le phihkharnak tuah cio dingah a chuahpi lai tiah theih a si.

SAC sinah hriamnam zuarhnak phih ding le Myanmar mipi hna bawmhnak pek dingin Britain ramleng vuanci Dominic Raab nih biatung a chuahpi lai.Tutan G7 Meeting ah Myanmar buainak lawng si poin Syria, Taluk, Russia, Afghanistan kong zong an ceih lai.G7 ram hna cu US, Canada, Britain, France, Germany, Italy le Japan hna an si. Tutan G7 Meetingah Australia, India, South Korea, Brunei le South Africa ram hna zong an i tel tiah theih a si.

Be the first to comment

Leave a Reply

Your email address will not be published.


*