RALHRANG KUT TANG RIAN ATTUANMI CAAH TTIHNUNG TUK SI CANG

Ralhrang kawlralkap kuttang rian ttuan cu ttihnung a si chin lengmang cang. Chungkhar tiangin an nunnak an lak cang hna. Tutan ah Myaung Mya peng Pohpin khua ah ralhrang kawlralkap nih rian an khinh mi khuabawi U Soe Nyunt le a fanu le a tute cu nam in an nunnak aliam.Sagaing region Myaung Mya peng Shwe Poh Pin khua ah ralhrang kawl ralkap nih rian an khinh mi khuabawi U Soe Nyunt le a fanu le a tu te cu nam in sam an ton caah an nunnak aliam tiah khuami hna nih Yangon Khat Thit thawngzamhnak ah an chim.

Hi thil a can hi nizan May thla ni 18 ah khan a si. Nizan muika hrawng ah minung 5 hrawng cu U Soe Nyunt a inn ah an lut i, adang minung pali nih lengah an hngah hna. Culawng siloin inn chungkhar chungin minung 2 zong hliamhma an pu tiah theih asi. Caan tlawmpal Minute 10 le 15 karlak chung ah a cang mi i, hi thil a can hi a rang ngaingai tiah an langhter. Ralhrang kawlralkap rian an khinh khuabawi le a fanu siseh atu Nam in a sam tu hna an lawi hnu ah chunkhat hna cu inn ah an ttin i an au, mah lawng ah cun khuami nih kan theih hna asi tiah khuami pakhat nih a chim.

No description available.

Thawngpang dang:Ayeyarwady region I Hlutdaw kuzale pawl le ralhrang kawlralkap biatak tein a dohkalhmi minung 48 hna cu ralhrang kawlralkap nih pohmah pipuam pipi in taza an cuai hna. Ayeyarwady region I Hluatdaw kuzale pawl le ramkhel minung 48 hna cu ralhrang kawl ralkap lei nih rampi upat tihzah lomi pawl an pek tawnmi hna pohmah 124 le rampi hlenthawi ruangah pekmi pohma 122 hna in taza an cuai hna tiah theih asi.

Hi konghe pehtlaiin ralhrang kawlralkap Taza cuai a tongmi hna lak ah cheukhat cu pohma 505 in a hmuh phunh a tongmi zong an um I mah hna pawl cu pohma 122 chap in an cuai rih hna tiah taza cuai a tong ve mi pakhat nih a chim. An duhning in pohmah a phuphun an kan chap ko nain kan lungtur lem loh. Mipi thimmi cozah hmanh an si lo.

Hi revolution pi cu a rauh hlan hrim ah tei ding in kan doh than rih ko lai tiah February ni 7 thok in Pathein khua sandahpiah nak ah mipi a rak hruaitu hna asi mi Ko Kyaw Nanda nih a chim. Ralhrang Kawl Ralkap lei nih hi tiin pohmah tampi he minung cheukhat hna cu thih dan tiang a hmuh an phunh ko hna. Asi nain hi minung hna nih cun tih phang lo tein ralkap thlak khawhnak ding caah an I zuam len rih ko tiah a chim chih.

Ralhrang kawlralkap hna nih A tu lio ah pohmah 124 le 122 hmang in tazacuai an cuaimi hna chungah mi cheukhat cu ralhrang kawl ralkap lei nih an tlaih hna nain a tang mi pawl cu Ayeyarwady region in an chuak I ralhrang kawl ralkap dohnak caah timh tuah nak an ngeih lio asi tiah thawng zamhnak nih a langhter.

Be the first to comment

Leave a Reply

Your email address will not be published.


*