RALHRANG CHUNGAH THIL BIAPI A CHUAK MINUNG 22 AN TLAIH HNA

Rakhine ramkulh Kaukdaw peng, Kansawnhtaung ah a ummi ralhrang Khahmahyah 539 chungtel minung hleihnih hna cu anmah chungtel lila nih nizan October ni 5 an tlaih hna. Tuni October ni 6 tiangah an tlaihmi minung hleihnih chungin minung pathum hna cu Sittwe khuapi MABE battalion ah an chiah hna.

Cun a dang a taangmi hna cu hmundang dang cio ah an chiah hna tiah thawngtheih a si. Culawng siloin an tlaih hna hnu ah hin an nupi le zong an tlaih chih hna, An fale tu cu an tlai hna lo, kan lungre zong a thei ngai, an tlaih hna nak a ruang zong kan thei lo tiah minung pakhat nih a chim.

Cun an tlaihmi hna hi an dirhmun zong theih a si lo i, a tuhi an tlaihnak hna a ruang dotthlet cuahmah a si. Cun October ni 5 zongah An khuapi palik sakhan in chungtel minung pahra zong ralhrang kawlralkap hna nih an tlaih rih hna tiah an chim chih. September ni 10 zanlei zongah Ann khuapi palik sakhan ah Palik bawichangtu Thet Hlaing zong an tlaih i, nihnih hnu ah an rak thlah cang.

Be the first to comment

Leave a Reply

Your email address will not be published.


*