Poi Tuk Ee Phon Ser A Cawng Lio Mi Mino 5, SAC Ralkap Nih An Tleih Hna

Sagaing ramṭhen, Kalaymyo, hmunhma humhimnak camp pawng ah motor pakhat cu July 23 ah Kalay PDF nih bomb in an puahhnawh hna hnu ah mino 5 cu tlaih an tong, tiah tualchung mi hna nih an chim.
Bomb puahhnawh ruangah SAC ralkap 5 an thi, tiah Kalay PDF nih cathanh an chuah.

SAC ralkap nih bomb puahhnawh an tonnak hmun pawng ah ummi Phone sernak dawr ah Phone ser a cawngmi mino 5 cu an tlaih hna hi a si, tiah tualchung mi pakhat nih a chim.

Thawngdang – Ayayawady ramṭhen Pathein peng, Shwe Thaung Yan(ရွှေသောင်းယံ) tiva kam ah tilawng in a ra mi rammi sinak a ngei lo minung 46 cu ti lei ralkap nih an tlaih hna, tiah tualchung mi nih an chim. Shwe Thaung Yan tiva kam in a rak lut mi hna cu July 23 zaan Sml 12 ah khan navy le palek nih security an laak lio ah an tlaih hna, tiah theih a si.

Rammi sinak ngeih lo ruangah tlaih a tong mi hna cu minung 46 an si i, cu chung ah cun pa 22 le nu 24 an si. Shwe Thaung Yan palek sakhan ah an konglam hlathlai lio a si, tiah theih a si. Yegyi peng ahhin July 9 ah khan Rakhine ramkulh chaklei in a lut mi, rammi sinak a ngei lo minung 51 an rak tlaih bal cang hna. Crd ; The Chin Post

Be the first to comment

Leave a Reply

Your email address will not be published.


*