PDF Le SAC Kar Kahdohnak Ah SAC Lei Nih Vanlawng Hmang In Bomb A Thlak Hna

Sagaing ramthen , Hti Gyaing peng , Kan Poh khua [ကံပေါက်ရွာ ] le Ta yat kan SAC nih aug 26 ah vanlawng in an kah hna tiah theih a si .August 29 – 2022 chung 12 hrawng ah vanlawng in bomb an va thlak hi a si I an thlaknak hmun hi August 28 I KIA , PDF fonh le SAC an I dohnak hmun ah an va thlak hna hi a si . “ vanlawng pahnih an si , bomb thlak ah a ra mi an si , bomb 3 hrawng an thlak , machine gun zong an kah , Atu bantuk an kahnak hi august 28 i SAC le PDF fonh kahdohnak ah SAC lei minung pahnih an thi , an ruak an phurh hna kong zong SAC nih an chim , Mipi ralkap PDF le KIA phu fonh nih kan kulh hna I kan kah hna , an mah a vun bawm tu SAC ralkap vanlawng a rat hi a tlai, an vun kah ah hin kan sakhan ah kan kir kho cang tiah PDF lei rian ngeitu nih a chim . Vanlawng in bomb an kahnak nih hin khuami cu a khong hna na loin khuami tu cu a himnak ah an zaam hna tiah khuami sin in thieh asi .

Thawngdang – Centre cozah bawmhnak a si mi dollar 45 cu Baluchistan khua bawmhnak caah a si lai , cokek harsak bawmhchanhnak department le cozah hna I bawmhnak zong kan tuah rih lai “ tiah Pakistan Minister Muhammad shehbaz Sharif nih a chim. Nirukni le zarhpini I ti lian ruang ah a nunnak a liam mi hna hi minung 119 an si kong le a tutiang a nunnak a liam mi hna hi thong 1 an lawnh kong cu cozah rian ngeitu hna nih zarhpini ah khan an chim. Nikhua caan a chiattuk ruang ah a tubantuk kan ton hi a si tiah vuanci nih a chim.

Ruah a fah tuk ruang ah khuakip ah ti a lian , facang kung le tisik an hnah hna zong ti nih a khuh dih hna khuami tam pi cu mi bawmhchanhtu hna le ralkao nih an bawmh hna hi a himnak ah an thial ter hna , ei ding zong an pek fawnh hna theih asi . Sindh ram le Khyber Pakhtunkhwa ram hna ah hin a nunnak a liam mi an tam caah a tu ah cun a nunnak a liam mi hna hi minung 1033 tiang an si cang tiah Pakistan cokek harsatnak tlangtlak tu department I officer pakhat nih a chim. Crd; LCBN

 

Be the first to comment

Leave a Reply

Your email address will not be published.


*