NUG President Nih SAC Ralkap Tei Khawh Nak Ding Ramkip Ah Hriamnam Bawmh A Hal Hna

Min Aung Hlaing le a ralkap tei khawh nakding caah ramkip nih hriamnam le zen-kuan bawmh dingin NUG Acting President Duwa Lashi La nih bawmhnak a hal hna. President Duwa Lashi La nih biatawi(Speech) a chimnak ah, SAC ralhrang nih Jimmy, Phyo Zeyar Thaw, Hla Myo Ayng le Aung Thura Zaw an thahmi hna hi mizapi an thinlung fak seh tiah an ruah.

Sihmanhsehlaw mizapi nih kan ngaihchiatnak papek loin lungṭhawnnak he hmai ah kan kal lai,” tiah July 28 zan ah a chim. Cucaah sualnak ngei lo mi a thattu SAC ralhrang hi UN telh in ramkip nih pehtlaihnak nan chah a hau. Chawleh chawhrawlnak in siseh, an tangka luhnak in siseh, ramchung luh khawh lonak in siseh, a lam kip in nan kham dih a hau, tiah a chim.

Cu pinah nun pek in ralhrang a dotu mizapi hna hi fimthiamnak(IT) in siseh, tangka in siseh, hriamnam le zen-kuan zong bawmh ding in NUG Acting President Duwa Lashi La nih biatawi a chimnak ah a telh chih. SAC ralhrang an tuah sernak ruangah, hi dohthlennak hi zorchuk lei si loin ṭhanchonak le teinak lam lei kan panh lai, tiah Duwa Lashi La nih a chim. Crd; The Chin Post

Be the first to comment

Leave a Reply

Your email address will not be published.


*