NLD NIH VOTE AN FIRMI ZAT RALHRANG KAWLRALKAP NIH AN THANH

Vote Relthan Mi Ah NLD Party Nih Vote A Fir Mi Nuai 11 Leng In Teinak A Hmu Tiah Ralhrang Nih An Thanh.November 8 ah tuahmi ram pumpi thimnak ah NLD cozah nih khinhmi UEC nih Vote a palh an ti i ralhrang nih an zohfel than tikah Vote dik lo nuai 11 leng a um tiah ralhrang thawngchimnak MRTV ah zahan July 8 ah a thanh.

Nawlngaihnak lakhnu ah tuan deuh UEC cu an hrawh i 2020 thimnak cazi zohthannak caah February thla chungah ralhrang nih a thar in UEC cu a dir i, February zarhhnihnak in July 7 tiang an zohfel i Vote diklo nuai 11 leng,Vote thlaknak nawl neitu Nuai 37 zatuak in 29.54 hrawng cu NLD nih hmuihtinh in Vote diklo a um tiah ningcang lo tuk in ralhrang nih an thanh.

Rammi sinak ngei lo in,Vote thlaknak ah i tel,rammi sinak card in Vote 2 or 3 thlak,kum 100 in a cung Vote thlaknak ah i tel,thimnak tuah ni ah kum 18 a tling lo mi Vote ah i tel,ti’n alnak ruangah zohfel mi a si caah Nuai 11 leng kan hmuhnak hi a si ti’n ralhrang Media ah an langhter. Credit: TCP

Aung San Suu Kyi in line for second term as Myanmar votes counted |  Elections News | Al Jazeera

Relhmanh Na Khuaruahnak An Bawmh Lai. TIH A NUNG MI PALHNAK. Palh hi tih a nung lo nain tih a nung mi palhnak bel a um. Atu lio dohthlennak caah ttih a nung mi palhnak panga. February 27 ni ah ka rak tial. Cu hna cu: Hnu Kan Tolh Than Ahcun, Hraannak Lam Kan Zulh Ahcun, A Chung Ral Kan Tei Lo Ahcun, Caan Sau Caah Timhlamhnak A Um Lo Ahcun, Tutan cu kan tei hrimhrim a hau, kan tei fawn lai. Mizapi hna nan lung thul hrimhrim hlah u. Kaakeih mitthli luan tthan lai cu asi kho hrimhrim lo. Uknak tha lo cu minung nunnak ah ttih a nung bik mi pakhat a si.

Nihin ah doh kan ngol ahcun thaizing cu zingtho in sal kan si ko lai. Nihin ah kan si khawhnak lam cio in kan doh ahcun thaizing cu miluat kan si lai. MAH le a ralbawi pawl nih uknak nawl chuh an ka timh hi thla 5 leng asi cang nain, an kan chut kho rih lo. A ruang cu ngol loin kan doh hna caah a si ko. Asinain hraannak lam cu zul hrimhrim hna hlah usih. Hraannak kan ti tikah runvennak, kilvennak, i khamnak, ti bantuk biafiang hna he an sullam cawh sual lo ding a biapi tuk fawn. Ni a linh ahcun naidem kan kawl i ruah a sur ahcun nithawng kan i chinh,

Khua a sih tikah angkilum kan i hruk. Cu bantuk in kan tuah cu kan himnak caah a si. Cu cu a dik mi a si fawn. Ni a linh ah mi an i dornak chuh, ruah a sur ah mi nihthawng lakpiak, Khua a sih tikah mi angkilum hrukkanh, tibantuk a si ahcun cucu hraannak lam a si. Mah inn te i khusak cu ahohmanh nih sual kan ti ballo nain mi inn va chuh cu ahohmanh nih a dik kan ti bal fawn lo.

Caan a sau i tha a hun baat deuh tikah ralring ngai a haumi cu a chungral phunphun a chuak kho. Khat le khat i mawhchiat, sual i phawt, nang maw kei i tinak, cu deuh, kha deuh tinak pawl a um sual tawn. Lung khah lo, lung rual lonak a chuak i a chungral atho sual. Cucu tih a nung taktak mi a si. Cucaah palh sualnak a um zongah kan lak ahcun i ngaithiam hna u sih. Rem le dai tein dohthlennak ah kalti ko hna usih. Palhnak a chuahpitu si lo ding zong i ralring hna usih.

Dohthlennak ah hin ral tamtuk i serh sual lo ding a biapi. Ral i serh hlah. Kawltung tu fek tein i phun. Rallokap uknak doh le Federal Democracy ram ser. Cu vialte cu a za. Cu pahnih a dawntu poh tu cu kan ral. Ral khat. Rallokap uknak kan duh lo ti vial lawng in a za lo. Federal Democracy ram caah kan ttuan pah a herh. Kan tuan lai, kan tuan lai, Federal Democracy ram caah kan tuan lai. Nangmah le na chungkhat, na khua le ram, himnak le nunnak ca zongah caansau ca timhlamhnak ngei fawn. Hi thil panga te hi kan i tlaih ahcun teinak khuadei cu kan phan hrimhrim lai. Kan zingtho cu luatnak Ni a si lai. Credit: HCJ

Be the first to comment

Leave a Reply

Your email address will not be published.


*