NIZAN THAWNGPANG THEIH CU ANUAM BAK RALHRANG ATHI MI ANTAM TUK

Karen ramkulh Myawaddy peng Walay kahdohnak ah council ralhraang 61 an thi i hriamnam le a dang thilri tampi kan lak. Hmunhma thianhnak pehzul in kan tuah tiah Cobra phu nih an thanh. Nizaan kahdohnak hmunhma cu nihin ah thianhhlimhnak an tuah i Council ralhraang 61 an thi tiah an fehter. Cun hriamnam le thilri dang tampi an tang rih. Pehzul in hmunhma thianhnak kan tuah rih lai tiah thawng an thanh. Kahdohnak ah ralhraang lei a thi mi le hmapu an tam i helicopter pahnih in an rak kah bawmh hna ca ah meithal zuun thum le zenkuan tlawmpal lawng an lak khawh tiah thawnghram nih a chim.

Nizaan kha helicopter in voi hnih an rak kan kah. Anmah lei hnukirnak ding ah kah a rak bawmh hna. Cucaah hriamnam pawl kan la kho tuk lo. MAS sniper pakhat, MA2 pahnih cu lo cu RPG kuan, 60MM kuan le meithal kuan cu 10000 leng kan lak” tiah KNLA phukomh thawnghram nih Yangon Khit Thit Media ah a chim. Nizaan March 27 zing ah Myawddy hpaloe in Walay lei ah ralhraang 400 tluk in hmai a nawr mi council ralhraang hna cu KNLA phukomh nih bomb an puah hna, an kah hna caah 30 nak tlawm lo an thih hi a si. Crd;Thehakha post

Relchih .Nizan 2022 March 27 Kanpetlet khua chungah SAC ralkap le CDF-Kanpetlet karlak ah Chun sml 12:00pm in zaanlei sml 2:00pm tiang kahdohnak a chuak. Kanpetlet khua chungah a ummi SAC ralkap phu pawl cu Ralkap Ni tuah ding in an i cer lioah CDF-Kanpetlet nih an kah hna. Cu kahdohnak ah SAC ralkap a thimi zat theih khawh si lo nain 2 cu an thi kho men i aa hliammi an tam lai tiah CDF-Kanpetlet nih thawng a thanh.SAC ralkap nih hriamngan he hme he an kah lengmang hna nain zaanlei sml 3:00pm hrawng ah mipi hriamtlai phu pawl cu hliamhma pu lo tein an kir kho tiah CDF-Kanpetlet cathanhnak in thawng kan theih.

Be the first to comment

Leave a Reply

Your email address will not be published.


*