NI 9 CHUNGAH INN HNGAK COZAH NIH AN TONMI THIL TTIHNUNG

Inn Hngak Cozah min an i bunh hnu ah nikua chungah bomb voi 39 a puak i, minung 25 kahthah an si cang pin ah minung 26 hliam an tuar cang tiah thanhnak an tuah. Tutan ah a nunnak aliammi hna hi ralhrang kawlralkap captain pakhat le Police sub Lieutenant pakhat le rank ngeimi minung pali, Cun Township Administrator pakhat, Ward Administrator minung paruk.

USDP MP le tlangautu minung pahnih, ralhrang kawlralkap lei a tangmi mipi ralkap pakhat, bawmchantu chungin minung pakhat, thawngpang petu minung pakua hna an si tiah theih a si. Bomb puah ruangah palek minung 13 an nunnak aliam i, mipi lei in minung 13 nih hliam an tuar tiah an langhter. Inn Hngak Cozah min an i bunh hnu ni 9 chungah bomb a puahnak hmun hna cu Township Administor Office, Ward Administor Office, Township EPC Office, Immigration Office, Township Municipal Office le Traffic police Office hna ah a si tiah an langhter.

Parts of Myanmar's Yangon turn into battle zone amid martial law

Thawngpang dang:Than Shwe le a nupi sizungah mit in a hmutu pakhat nih an konglam zapi sin ah a chimphuan cang. Than Shwe le a nupi cu sizung ah zohkhanh an si i, atu an umnak Naypyidaw sizung ihkhun thongkhat umnak ah lakhruak in zohkhanh le thlopbul an si tiah mit in a hmutu ralkap bawi tthing pakhat nih RFA thawngzamhnak ah a chim phuan.

Apeh rih mi cu Than Shwe le a nupi hna cu a liamcia nizan tihni August ni 10 ah khan Naypyidaw Babu-Thiri township House no A1 ah PPE thuam i hruk loin an kalpi hna i, cu nih a langhtermi cu i check sawhsawh dingmi an si lonak alanghter tiah a peh chap. Asinain nizan ah Than Shwe cu a nunnak aliam tiah thawng an thanh nain a thi timi cu a hman lo tiah a peh tthan rih.

Than Shwe hi a tu ah kum 88 a si cang i, a liamcia kum 1992 in 2011 tiang ram hruaitu lubik Prime Minister, State Peace and Development Council Chairman sinak le Army Chief sinak zong atlaimi a si. A nupi Daw Kyaing Khyiang zong a tuhi kum 89 chung aluh lio a si cang tiah an langhter. Acunglei langhtermi hi ralkap officer tthing pakhat nih RFA thawngzamhnak ah a chim.

Be the first to comment

Leave a Reply

Your email address will not be published.


*