MUIDAWH HTET HTET MOE OO CU MIPI NIH AN NAWN DENG KO

Kawlram minthang mui dawh Htet Htet Moe Oo cu mipi nih an thah lo lawnglawng bak asi. Online cu si hlah sehlaw an nawn bak hnga. Ralhrang kawlralkap hna nih uknak an lak hnu ah Kawlram minthang mintami Htet Htet Moe Oo cu mipi sin ah a mui aa langh lonak caan hi a sau cang. Mipi zong nih an hlam ngaingai. Caan saupi aa langh lo hnu ah nizan ah khan LIVE in thil a zuar i a vun i langh.

Asinain mipi nih Htet Htet Moe Oo cu an thah deng, chiat tiangin an serh. Hi konghe pehtlaiin amah Htet Htet Moe Oo nih LIVE video aa thlah hlan ah mipi hna sin ah rak ka theithiam te uh tiah a rak ti hna. Sihmanhsehlaw mipi hna nih tulio ram buai lio hna i hibantuk thil hna online in zuar cu tiah a mui langh ding an duh lo caah LIVE chungah faktuk in an phomh.

Thil a zuarmi cu hohmanh nih an lungah a lut lo i, thlerh khawhnnak bia lawngte in an thuat. An thuat tuk caah LIVE a thlahmi zong caan karlak angol i, a video zong a delete tthan. Ahnu caan rauh hlan ah LIVE a thlah tthan i, cu zongah mipi nih pehzulh in an tthuat tthan. Nain a LIVE thlahmi tu cu ngol ti loin a pehzulh thiamthiam.

Hi konghe pehtlaiin Htet Htet Moe Oo nih a timi cu ka damlo ruangah sizung kalnak ah tangka ka herh. Cu ruangah LIVE in thil ka zuarnak hi a si tiah a chim. Thil ka zuar lio zongah saupi ka tthu kho lo tiah ati i, a ihpah hna in thil a ka zuar. Hi kongah minung tampi an ruahnak aidang tthenkhat nih an zaangfah lio ah tthenkhat nih cun an zaangfah lo.

No description available.

Cabia Dang: Relhmanh Na Khuaruahnak An Bawmh Lai. TIH A NUNG MI PALHNAK. Palh hi tih a nung lo nain tih a nung mi palhnak bel a um. Atu lio dohthlennak caah ttih a nung mi palhnak panga. February 27 ni ah ka rak tial. Cu hna cu: Hnu Kan Tolh Than Ahcun, Hraannak Lam Kan Zulh Ahcun, A Chung Ral Kan Tei Lo Ahcun, Caan Sau Caah Timhlamhnak A Um Lo Ahcun, Tutan cu kan tei hrimhrim a hau, kan tei fawn lai. Mizapi hna nan lung thul hrimhrim hlah u. Kaakeih mitthli luan tthan lai cu asi kho hrimhrim lo. Uknak tha lo cu minung nunnak ah ttih a nung bik mi pakhat a si.

Nihin ah doh kan ngol ahcun thaizing cu zingtho in sal kan si ko lai. Nihin ah kan si khawhnak lam cio in kan doh ahcun thaizing cu miluat kan si lai. MAH le a ralbawi pawl nih uknak nawl chuh an ka timh hi thla 5 leng asi cang nain, an kan chut kho rih lo. A ruang cu ngol loin kan doh hna caah a si ko. Asinain hraannak lam cu zul hrimhrim hna hlah usih. Hraannak kan ti tikah runvennak, kilvennak, i khamnak, ti bantuk biafiang hna he an sullam cawh sual lo ding a biapi tuk fawn. Ni a linh ahcun naidem kan kawl i ruah a sur ahcun nithawng kan i chinh,

Khua a sih tikah angkilum kan i hruk. Cu bantuk in kan tuah cu kan himnak caah a si. Cu cu a dik mi a si fawn. Ni a linh ah mi an i dornak chuh, ruah a sur ah mi nihthawng lakpiak, Khua a sih tikah mi angkilum hrukkanh, tibantuk a si ahcun cucu hraannak lam a si. Mah inn te i khusak cu ahohmanh nih sual kan ti ballo nain mi inn va chuh cu ahohmanh nih a dik kan ti bal fawn lo. Caan a sau i tha a hun baat deuh tikah ralring ngai a haumi cu a chungral phunphun a chuak kho. Khat le khat i mawhchiat, sual i phawt, nang maw kei i tinak, cu deuh, kha deuh tinak pawl a um sual tawn.

Lung khah lo, lung rual lonak a chuak i a chungral atho sual. Cucu tih a nung taktak mi a si. Cucaah palh sualnak a um zongah kan lak ahcun i ngaithiam hna u sih. Rem le dai tein dohthlennak ah kalti ko hna usih. Palhnak a chuahpitu si lo ding zong i ralring hna usih. Dohthlennak ah hin ral tamtuk i serh sual lo ding a biapi. Ral i serh hlah. Kawltung tu fek tein i phun. Rallokap uknak doh le Federal Democracy ram ser. Cu vialte cu a za. Cu pahnih a dawntu poh tu cu kan ral. Ral khat. Rallokap uknak kan duh lo ti vial lawng in a za lo.

Federal Democracy ram caah kan ttuan pah a herh. Kan tuan lai, kan tuan lai, Federal Democracy ram caah kan tuan lai. Nangmah le na chungkhat, na khua le ram, himnak le nunnak ca zongah caansau ca timhlamhnak ngei fawn. Hi thil panga te hi kan i tlaih ahcun teinak khuadei cu kan phan hrimhrim lai. Kan zingtho cu luatnak Ni a si lai. Credit: HCJ

 

Be the first to comment

Leave a Reply

Your email address will not be published.


*