MIPI KANRAL KAP 5 NIH RAM CAAH ANNUN NAK ANPEK

Magwe ramṭhen Gangaw peng Hnankha khua nichuahlei ah SAC ralkap hna le mizapi vengtu ralkap kahdohnak a chuak i, cu kahdohnak ah cun PDF in minung 5 an nunnak a liam, minung 4 nih hliamhma an tuar, tiah khua mi hna sin in theih a si. Kalaymyo in a rami SAC ralkap minung thazaang 200 hrawng le mizapi vengtu ralkap hna cu nizaan March 20 chunhnu suimilam 12:00 in zaanlei suimilam 3:00 tiang an i kap.

Ram caah nunnak a liam mi mipi ralkap ruak hna cu atu tiang lak khawh an si rih lo. SAC ralkap lei in sniper le hriamngan hmang in an kan kah. Nunnak a liammi hna cu kum 30 luan hna le , kum-20 mi hrawng pakhat an si. Hliamhma a tuar mi hna cu an kee, an phei le an keng ah kuan nih a hliamh hna. Pakhat cu a cal ah kuan nih a hnor fawn,” tiah khua mi pakhat nih a chim. Kaphnih kahdohnak ah hin Tawng Khayan khua palik sakhan lei zong in hriamngan an kahbawmh hna.

Kahdohnak kong he pehtlai in mizapi vengtu ralkap phu lei nih cathanh chuah mi a um rih lo.Kahdohnak a chuahnak hmunhma cu SAC ralkap hna nih minung thazaang chap ding in motor 4 he Kalaymyo in an kal hnawh, tiah khua mi nih an chim. Kahdohnak hmunhma pawng um mi Kung , Alay Yuamah, Myitta, Tasi, Yinhlah(ယင်းလှ) le Hnankha(နှမ်းခါး) khua in mizapi cu ramlak ah an zaam hna, tiah theih a si.Crd; The chin post

Be the first to comment

Leave a Reply

Your email address will not be published.


*