MIN AUNG HLAING NIH A PHOMH VE CANG HNA

Gambia ram nih ICJ court ah kawlram kong tazacuainak nawl a ngei lo tiah Min Aung Hlaing nih a chim. Ralhrang kawlralkap hna cu ramdang he pehtlaihnak konglam ceihkhannak an ngei cu ahcun Min Aung Hlaing nih ICJ ah an case kong a chim. Atimi cu Gambia nih ICJ court ah kawlram hek khawhnak nawl an ngei lo.

Cun an chimrel mi zong a dik lo. Hibantuk hi cu Kawlram ralkap thangchiat duhnak men in an cawlcangh mi a si. Rohingya konghe pehtlaiin kannih nih cun kan innpa pawl thatein kan chawnh hna i lamthar kan kawl cuahmah, Culio caan ah Gambia ram an vun i thlak mi hi a ruang zeihmanh a um lo.

Kan ram le Gambia ram cu ramri zong kan si lo, Pehtlaihnak zong kan ngei lo. Hi bantuk buainak cu ram pakhat si dingah kan rak i zuam lio khan a rak um cang. Rammi pakhat sinak he pehtlaiin buainak cu Court ah an chuah. Zei ram paoh nih rammi sinak phung le lam kan ngei dih tiah a chim.

Ralhrang kawlralkap cu Gambia ram nih kum 2019 ah miphun cihmih an timh tiah ICJ Court ah taza an cuai. ICJ Court nih kawlram kong voihnih an ceih cang. Asinain tuni tiang biachahnak fiang zeihmanh a um rih lo.

Be the first to comment

Leave a Reply

Your email address will not be published.


*