MIN AUNG HLAING A TAW A SAWH LENGMANGTU ZONG A PHAK VE CANG

Kawl Biaknak le Kawl nunphung a tanh taktak mi, Misual pialsual tiah an auh mi Kawl phungki Wirathu cu Covid zawtnak nih tha lo ngai in a den ve tiah theih asi. Phungki Wirathu hi ralkap minung, ralkap a forh lengmang tu, Kawlram ah Biaknak dang vialte le nunphung dang vialte hrawh in Kawl Biaknak le nunphung lawng um seh ti a duh mi asi.

NLD Cozah chan ah tlaih ding in warrant an chuah i kumkhat leng a tlau, a si nain tukum thimnak lai te ah a rak chuak tthan i thonginn chung ah an hren mi asi. Wirathu Covid in a zawtnak hi ni (2) nak a si cang. Atu hi Covid center ah tha tein zohkhenhnak pek cuahmah lio asi” tiah an chim. Phungki Wirathu hi, a luancia May thla thok in khan thonginn ah a um ti lo.

Taksa dam lonak ruang ah tiah Sii-inn ah kan chiah, kan thlop an ti. A si nain a tu ahcun Covid zawtnak nih a hun den chap i Covid zohkhenhnak center ah an zohkhenh lio a si tiah an chim.Hi pa hi NLD Cozah nih tlaih ding in Warrant an rak chuah caah kumkhat chung a tlau, cun rampi thimnak lai te ah a mah tein a rak i ap mi asi.

Cabia dang: Mindat ah tukdohnak fak a chuak colh lai tiah an chim thanh. Hi konghe pehtlaiin Salai Yaw Mang nih a chimmi cu, A tu rih ahcun pakhat le pakhat karlak ah dirhmun i cuanh asi i, atu hi cu kahdohnak a um rih lo nain kahdohnak a um colh ko lai ti a fiang ko. Aruang cu ralhrang kawlralkap lei hna cu an thaazaang thawng chinchin dingin mipi an i khawmh cuahmah lio a si.

Mipi an i khawmh cuahmah lio a si bangin hriamnam zong an i timtuah cuahmah caah tukdohnak an tuah colh lai timi a fiang ko. Cawlcangh ning cang hi atu kan zohcuah mah lio a si ve tiah a chim. Hi konghe pehtlaiin a liamcia an i tukdohnak konghe pehtlaiin a chim tthan mi cu, August ni 25 i kahdohnak ah kanmah lei in minung pahnih nih ram le miphun caah nunnak an pek.

Minung pakhat cu a paw an kah i, a dang pakhat cu ramtang ah a ruak in kan hmuh. Nai August i kahnak ah khan cu ralhrang kawlralkap lei in a thimi um dawh an si lo tiah a chim chih. Mindat CDF lei zong a tu ahcun a hlan bantuk an si ti hna lo. Kahdohnak caan a sau bantukin i tukdohning le thilsining zong tampi an thei cang ti a si.

Be the first to comment

Leave a Reply

Your email address will not be published.


*