MALAYSIA UMMI I RALRIN TAKTAK KAN HAU CANG

Covid-19: Malaysia um ralrin taktak kan hau.Malaysia um Chin miphun hawikom dawt hna a tu lio Covid-19 pulrai zawtnak kong he pehtlai in ralrinnak pek kan in duh hna. Kan theih cio bang Malaysia ram chung ah Covid pulrai zawtnak cu nichiar in tum lei panh lo in a kai chin lengmang. A hlei in Selangor State le Kuala Lumpur hi a zual khun.

Selangor le Kuala Lumpur cu Chin miphun kan um tambiknak zong asi. Hi chung ah a ummi Chin miphun chung in zawtnak aa laakmi tamtuk kan um cang. Kan nih Laimi (Chinmi) cu kan nunzia ah i lenkai a hmangmi kan si tikah i ralrin taktak kan hau. Cucaah a tanglei langhtermi hi hrial khawh i zuam hram hna uhsih.

Pakhatnak. Kan innpa chakthlang sinah len lo ding, 2. Asi khawh ahcun inn chung zong ah Mask (hmaihuh) ding nangmah lawng dah a um ti lo ahcun, 3. Na taksat/khuasih, khuh le taksa fah ahcun a dang tein um colh i zuam hram. Na pawngkam minung kha theihter hram hna. 4. Thawchuah harnak tiang na phanh sual ahcun a rannak in 999 chawnh khawh colh i zuam.

Panganak. A tui lio ahcun hawikom i len le innpa chaktlang i len kai zong hi i sum ko hna usih. Nangmah pakhat lengchuah le vahvaih ruangah na innchungkkhar dang caah zawtnak phurtu na si kho. 6. Tii tampi din le taksa cawlcanghnak (exercise) tuah khawh i zuam, 7. Covid raikham sii chunh ding ah min cio pe cio hram uh. Siaherhnak he CRC. Credit: CRC Malaysia.

May be an image of standing and outdoors

Zohchuntlak Kawlram minthang Khine Hnin Wai nih amah hman awk hman ngeiloin Oxygen dur 150 cu mipi sin ah a lak tein a phawt dih hna. Hi konghe pehtlaiin Khine Hnin Wai nih a timi cu Oxygen dur ka cahmi a rak phan. A harh bikmi hna caah ka phawt dih hna. Oxygen a hartuk lio caan asi i, a herhtuk mi vialte hna sin ah ka pek khawh lomi cu a poituk ka ti.

A harh taktak mi hna sin ah man lo tein ka pek hna i, nan hman dih lo asi ahcun midang rak pe ve hna uh tiah kan cah duh hna. Oxygen a herh ko nain a tingco lomi vialte hna rak ka theithiam hram uh tiah zaangfak kan nawl fawn hna. Keimah zong zarhkhat hrawng ka dam ve lo. Asinain keimah hman ding hmanh i chiah loin ka pek dih hna, aa ka bawmtu nan zate cungah ka lawmtuk tiah a chim.

Khine Hnin Wai hi ngakttah a cawmtu zong a si i, Yangon khuapi chungah zohkhanhtu ngeilo hngakchia an hlonh mi hna lunglawmte in a zohkhanhtu zong a si. Tthenkhat nih cun hngakchia hi a sin hna ah an zuar tawn ti a si. Mipi caah siseh, nu le pa ngeilo hngakchia hna caah asi khawh chungin rian a ttuanmi zong a si.

Be the first to comment

Leave a Reply

Your email address will not be published.


*