LUNG A FAK KO, TUNI RALHRANG THIL TUAH APOI TAKTAK SI

Tuni August 28, Kalaymyo Thlanglei inn 2000 renglo a um mi Tintha khua cu SAC ralkap le Pyu Saw Htee phu pawl nih mei in an khangh, tiah theih a si. SAC ralkap le Pyu Saw Htee pawl cu August 28, chunlai 12:00 PM hrawng ah Tintha khua ah an lut i CDM tuah mi Sianguk U Kyaw Min Naing inn mei in an duah/khangh i innpa inn pawl a tlaih, tiah theih a si.

Hi khua ah hin inn 2000 renglo kan um. Sianguk U Kyaw Min Naing inn in inn dang inn 3 a tlaih i a ciam dih. Mei cu kan va phaal/that ngam fawn lo. An kan thah lai kan phang i inn in kan chuak hna i kan i thup. Kumkhua upa hna le a ngandamlo mi hna lawng kan taantak hna i a dang cu kan zaam dih,” tiah khuami nih an chim.

Mei a alh cuahmah mi cu SAC ralkap pawl nih meithal he an congh. Va phalh ahcun an kan kah lai kan phang fawn. Mei lawn in inn kip a tlaih/phanh ahcun damlo ruang inn ah kaltak mi pawl cu thinphang an si ko,” tiah khuami pakhat nih a chim, tiah Khit Thit Media nih a tial. Credit: The Hakha Times.

Thawngpang dang: Thantlang khua sianginn sang i khuavel nak hrawngah bomb a puak tiah kan theih. Hi Bomb a puak mi kong ah hliamtuar an um le um lo zong zeihmanh theih a si rih lo pin ah zeitin dah a si timi thawngpang fiang theih khawh a si rih lo. Thantlang khua sianginn sang in nitlak leikam khuavel nak lam kam in bomb a puak, cun Sopum lamthing dum chung zongah a puak rih lo mi bomb pakhat a um rih tiah” Pu Ram Khar nih a my day ah a taarlangh.

Atu i bomb a puak rihlo mi bomb zong hi laak piak dingin thawngthanh asi cang tiah a tialchap. Nizaan ah Thantlang ah Bomb puahnak a chuak i cu ahcun kum (40) upa pakhat a hmun ah a nunnak a liam pin ah a dang minung 11 zong hliam an tuar. Cun nihin ah nizaan Thantlang Bomb puahnak ah aa hliam mi kan naupa zong a nunnak a liam than ti asi.Nihin lila ah Thantlang ah Bomb puah thawng kan theih tthan, Cun Bomb a puak rih lomi zong hmuh chap a si ti a si caah Thantlang mipi dihlak ralring tein um cio hram hna usih.

Be the first to comment

Leave a Reply

Your email address will not be published.


*