LAI NAWNG LUTLAI MIN AUNG HLAING A PAW CAWMNAK HRAM AN BONGH

Lainawng Min Aung Hlaing caah thawngpang chia taktak a chuak apaw an khuai ti khawh asi.Aruang cu aa cawmnak abiapi tukmi gas pipe line an hrawh. Nizan tihni July 27, zaan suimilam 8:00 hrawng ah, Thailand ram lei ah Ralkap Council nih gas an kuatnak pipe line cu Mon ramkulh, Tahtone peng, Winsein khuate le Sakhangyi khuate karlak ah mipi rungvengtu PDF nih bomb in an puah, tiah theih a si.

Hi Gas Pipeline hi Ralkap nih (Min Aung Hliang) Kawlram Gas in phaisa a kawlnak, Thailand ram ah a zuar nak a si. Tutan ah mipi rungvengtu PDF pasaltha pawl nih Pipeline an hrawh piak caah Min Aung Hliang ca ahcun a thin a khenh ngai ko lai. Ram mipi nih an duh lo tuk mi Min Aung Hliang cu hramhram in rampi uk aa tim peng chih, a si nain nihin tiang ah ram mipi dihlak ngawt nih doh peng a si. A phaisa kawl nak Pipeline tiang an khuai piak cu lung a hmui ngai ngai.

Laitlang lei thawngpang: Surkhua RC Father aa phuang cang. Surkhua Pastor le RC Father hi Ralkap he pethlaihnak an ngeih ruang ah kan tlaih mi hna a si tiah CDF-Hakha nih Khonumthung News sin ah an chim. Chin ramkulh, Hakha peng, Surkhua RC Father le Pastor pakhat cu CDF-Hakha nih an tlaih hna i chikhat an hren chung rih hna tiah nizaan in thawng theih cio asi.

Hi kong he pehtlai in Khonumthung News zong nih CDF-Hakha sin ah pehtlaihnak an tuah hnu ah a tu bantuk in thawngpang an hun langhter than hi asi. Surkhua RC Father pa hi Ralkap he pehtlaihnak a ngei mi asi. Cun tutan Hakha a kal zong hi Ralkap nih an auh caah a kal mi a si timi thawngpang kan theih. Cu caah ralhrang he pehtlaihnak a ngei timi ruang ah kan tlaih mi a si.

Kan tlaih i biahal nak zong tha tein kan tuah cang. A mah zong nih Ralkap he pehtlaihnak ka ngei ko tiah fiang tein a chim cang. Cu caah zeitin hmanh in kan tuah lai lo, humhimnak kan ruah caah chikhat kan hren chung mi a si ko tiah CDF-Hakha nih an chim hi a si. Surkhua ah a um mi Police Sakhan cu CDF-Hakha nih May 8 ah an rak lak.

Cu hnu ah Ralkap pawl an rak kai tthan i May 31 le June 1, 2021 ah fak ngai in CDF-Hakha le Ralkap pawl an i kap than. Cu raldohnak ruang ah Surkhua telh in, pawngkam khua 10 leng nih khua an zam tak. Midang khuami an rak zam dih lio ah RC Father hi cu a rak zam lo, khua ah a rak um ko i cu ahcun Ralkap pawl he pehtlaihnak a ngeih hi a si tiah CDF-Hakha nih cun an langhter. Source: Khonumthung News

Be the first to comment

Leave a Reply

Your email address will not be published.


*