KIA NIH MIPI THANHNAK AN TUAH CANG, TUKDOHNAK A FAK KHOMI SI CANG

Mipi pawl thawngpang ngai peng a hau cang. KIA nih kahdohnak a fak chin lengmang kho mi a si cang caah mipi lei nih thawngpang ngai peng uh tiah thanhnak an tuah. Kachin ram Myitkyina khua pawng ah a um mi Bala Min Thin hlei pawng ah KIA le SAC ralkap hna cu June thla ni 23 zaan ah kan I kap tiah KIA lei chimnak nawl ngeitu Buhmugyi Naw Bu nih BBC ah a chim.

Hlei pawng ah a um mi ralkap sakhan cu KIA brigade 3 nih kan kah hna. Ralrap lei zong nih KIA sakhan lei ah hriamnam ngan he a kan kah than tiah a chim chap. KIA sakhan pawl a si mi brigade 3 um nak Mau Jar Yan, Laiza pawng ah a um mi sakhan pawl le Pha Kanh lei ah a um mi brigade 9, 6 an um hna nak hmun pawl cu ralkap lei nih hriamnam ngan in an kah tiah Buhmugyi Naw Bu nih cun a chim.

KIA Raids Tatmadaw Base, Claims to Detain More than a Dozen Troops

Thawngpang dang. Kawlralkap ralhrang hna nih nawlngaihnak an lakmi cu a tlamtling ko tiah Tuluk nih an ruah tiah a chim. Kawlram le Tuluk karlak ah biathlithup a thei kho ngaingai mi The Stimsom Center ah chungtel pakhat a simi Yun Son nih hitihin a chim. Kawlralkap hna nih rampi nawlngeihnak an lak mi hi an hlawh a tling ko tiah Tuluk nih cun a ruah.

Curuang ah kawlram chungah Tuluk nih angeih mi thilri dohkalhnak a um ko nain Tuluk nih Kawlram chungin hlawknak angaih mi cu afek thiamthiam ko timi hmuh khawh asi. Culawng siloin ralhrang kawlralkap cozah le Tuluk cu zeithil vialte zongah pehtlaihnak an ngei i, ram pakhat cozah dirhmun zongin ton biaruahnak an ngei peng.

Cun rampi tangka tuahto ning cang kong zong an tuah cang. Hi bantuk thil Tuluk le ralhrang kawlralkap cozah karlak zoh tikah ralhrang kawlralkap hna nih nawlngaihnak hi an ngei peng ko lai timi cu Tuluk nih a hmuh khawh. Vawleipi nih ralhrang kawlralkap cozah dantatnak an tuahmi chungin a luat khawhnak dingah kawlralkap zong a hlan bantukin Tuluk lei ah a lut chinchin tiah a chim.

Be the first to comment

Leave a Reply

Your email address will not be published.


*