KHUAMI BAK NIH RALHRANG PAWL HNU AN TOLH THLUAHMAH TIAH AN CHIM

Kani Lei ah Rallokap Cheukhat Hnu An Tolh Tiah Khuami Nih An chim. Sagiang ramthen, Kani pengkulh chungah rallokap nih umhmun an khuarnak cheukhat hmunhma hna cu duhsahten hnu an tolhtak tiah min langhter lo in khuamihna nih an chim. Kani hmunkip ah hin PDF phu nih mipi an venhna caah, an humhim nak ding ah thinphang in an um caah duhsah tein kaltak an timh sikho tiah Kani khua mipi vengtu phu chungtel pakhat nih a chim.

Cacawnnak sianginn, phungki sianginn hna ah rallokap nih umhmun an khuar bik,atu zerhkhat chungah duhsah ten an kaltak .Hika hmun ah hin cun sianginn pakhathmanh an on lo tiah a chimh chih.Cu thilcang kong he pehtlai in thawngfiang tha tein theih khawh nak ding ah RFA nih rallokap lei biachimnak nawl ngeitu ဒုဝန္ႀကီး ဗိုလ္ခ်ဳပ္ Zaw Min Tun cu an chawnh nain pehtlaihkhawh silo.

Curuangah Kani hmunhma lei rallokap hnunan tolh tiah thawngpang aleng mi kong ah biafiang theih asi rilo. Khuami hnanih cun Sagiang ramthen,Kani hmunhma ah hin rallokap 900 hrawng an um , tu ah hin cun 400 hrawng lawng an um lai tiah an ruahdamh. Kani hmunhma ah umkal mihna nih rallokap motor he tin sual lo nak ding le hrial ding in,

Chindwin tiva tilawng in umkal ding le, rallokap hna nih mipi bantuk unter in thil hlaihlai nak an tuah tawn caah ralrin ding le , zumh pah lo mi thil hmuh sual ahcun kherhhlai nak tuah lo ding in tiah Kani pengkulh mipi vengtu phu hña nih nihin June 3 ah mipi hna ralrin cio ding in cathanh anchuah. Credit: TCP

On the Sagaing frontlines, outgunned villagers defy the odds | Frontier  Myanmar

Thawngpang Dang: KIA nih ralhrang kawlralkap minung 100 renglo an kah hna.Doh Phung Yan khua pawngah ralhrang kawl ralkap le KIA karlak ah kahdoh nak achuak tthan. Tuni June thla ni 3 zinglei ah Moe Mauh peng Doh Phung Yan khua pawng ah ralhrang kawl ralkap le KIA karlak ah kah doh nak fak piin a cang tiah theih asi. Tuzing ah ralhrang kawlralkap hna cu,

Nuamlanh khua lei panh in Motor lam piin an rak ra hna. Ralhrang kawlralkap lei hi minung zakhat reng lo an si hna. Ralhrang kawlralkap hna cu Doh Phung Yan phak hlan meng 3 a hlat nak hmun ah KIA nih an kah hna tiah khuami pakhat nih a chim. Nazi 2 chung an I kap cang. Atu tiang an I kap rih. Ralkap lei nih hriamnam ngan an hman mi thawng zong theih khawh asi.

KIA lei nih lam ah an bawh hna i, an kah hna caah ralhrang kawl ralkap lei a thi mi an tam lai tiah a peh chap. An I kahning a fah caah kap hnih lei in hliamhma atuar mi an tam ko lai. Asi nain ralhrang kawlralkap lei an tam deuh lai tiah khuami pakhat nih a chim. Alawbum tlang tangah a ummi Doh Phung Yan ah I kah dohnak a um lo nak hi ni 10 hrawng a si cang nain tuni thok in kahdoh nak a um than hi a si tiah theih asi.

Be the first to comment

Leave a Reply

Your email address will not be published.


*