KHUA PAWNGAH MITHI RUAK 17 AN HMUH HNA

Shan ram chung ဖိုင်ကောင် khuapawng ah mithi ruak 17 an hmuh hna. Mah mithi ruak an hmuhmi minung 17 hna hi ralhrang kawlralkap uniform aa hrukmi an si tiah khuami an chim. A thimi miruak ralhrang kawlralkap uniform aa hruk mi hna hi zeitik ah dah an i kah i, an thih hi a si timi le a thimi hna hi an thah hnu ah ralkap uniform an hrukter mi hna dah asi timi theih an si lo.

Cun a thimi miruak 17 pawng motor pakhat chungah minung pahnih an kahthah mi ruak zong hmuh a si. Hi thil a cannak hmunhma pawngkam hrawngah hin ralhrang kawlralkap le KIA, MNDAA an rak i kap cang i, an rak i kah lio ah KIA le MNDAA nih ralhrang kawlralkap bawi telh in ralkap tamtuk an rak thah cang hna tiah an langhter.

May be an image of map and text

Thawngpang dang:Lung a fak ko, ralhrang kawlralkap nih kumtling lo hngakchia pahnih hna cu thi dingin biachahnak an tuahpiak hna. Hi konghe pehtlaiin AAPP timi Assistance Association for Political Prisoners nih a langhtermi cu ralhrang kawlralkap cozah nih kum tling lo minung pahnih hna cu thi dingin biachahnak an tuah piak hna tiah an langhter.

Kum tlinglo hngakchia pahnih thi dingin biachahnak an tuah mi midang thah dingin biachahnak an tuahmi hna hi minung 26 an si cang i, ralhrang kawlralkap nih an thahmi hna hi minung 39 an si cang. Atu ah thah dingin biachahnak an tuahmi vialte hi minung 69 an si cang tinak a si. Tlaih dingin an ti hna ruangah a zaammi hi minung 1984 an si.

Cun minung 118 hna hi case aphunphun in sual an puh hna i, an konglam an caih cang hna. Ralhrang kawlralkap hna nih uknak hramhram in an lak February nikhat in nizan tiangah an tlaihmi hna hi minung 5975 an si i, hi chungah minung 258 hna cu thongtlak dingmi kumzat zong biachahnak an tuah piak cang hna. Cun thonginn a chuakmi hi minung zeizat sat dah an si timi cu a fian hnu ah kan langhter te lai tiah an chimchih.

Thawngpang dang: Dalan pawl cu Ting 15 laksawng pek nan si lai tiah ralhrang phu nih an thanh hoi cang. Ralhrang dohkalh in cawlcanghnak a tuahmi paoh kan sin ah thawngpang nan rak pek hna asi ahcun laksawng ah ting 15 kan in pek hna lai tiah an thanh. Tuan deuh ahcun tingnga pek nan si lai tiah an rak ti i, thawngpang nan pek mi zoh in tingnga leng zong pek khawh asi lai tiah kan hnu te ah thanhnak an tuah.

Hi konglam ruahnak a chuahtu hi U Thein Ngut le Man Nayin Maung le U Khin Maung Shwe, cun Jeng Phang Naung Taung le Daw Aye Nu Sein, U Sai Lon Sei, Dr. Banyar Aung Moe le U Shwe Chein hna an si. An mah pawl nih Dalan laksawng pek dingin ralhrang lutlai Min Aung Hlaing sin ah halnak an rak tuah. Abik in ralhrang hna nih an i tinhmi cu NUG le PDF pawl konglam theih an duh caah asi tiah an chim.

Hi konghe pehtlaiin naite ah ralhrang kawlralkap lei a ttangmi hna nih PDF pawl le CDF hna cu nan hriamnam chia ulaw rak i pe uh, nan hriamnam nan chiah hna lo ahcun nan ci kan hmih hna lai tiah an rak hrocer cang hna. Ralhrang hna nih an duhning in thil an kalpi khawh ti lo caah atu bantuk in lam an kawlnak hi a si tiah minung tamoi nih an langhter.

Be the first to comment

Leave a Reply

Your email address will not be published.


*