KHUA BAWI PA A KAPTU CU KANMAH KAN SI TIAH AN THANH COLH

Khuabawi a kaptu cu kanmah kan si tiah ZERO phu nih thanhnak an tuah. Minchan ah khuabawi cu meithal in an kah. Hi konghe pehtlaiin khuami nih an chimmi cu Tuni July ni 4 zinglei nazi 8 leng hrawngah Minchan khua No. 19 sang ah a um mi khuabawi pa cu a umnak inn ah meithal in kah a tong tiah khuami hna sin in theih asi.

Khuabawi pa an kah hi Zung ah si loin a inn a um lio ah kah a tong hi a si. ထောက်ခံစာ lak kan duh tiin innchung ah cun an lut I meithal in an kah. A thih cu a thi lo tiah kan theih. Tlawmpal ah ralhrang kawlralkap an rak phan I hlathlai nak an tuah tiah khuami pakhat nih BBC thawng zamh nak ah a chim.

Khuabawi pa kah a ton mi konghe pehtlai in Minchan khua I a um mi ZERO phu timi mipi lei hriamtlai phu nih kan mah nih kan tuah mi asi tiin an facebook page ah an langhter. Hi konghe pehtlai thiamthiam in Chun nazi 11 hrawng ah Minchan No.8 sang ah ralkap nih an hman mi mawtaw cu mibu pakhat nih meithal in an kah len tiah khuami hna sin in theih asi.

FD - Family Doctor Specialist Client

Thawngpang dang: Depe Yin kahdoh nak ruangah minung 25 renglo an nunnak aliam. July thla ni 2 thok in SAC ralkap le mipi rungvengtu PDF hna biatak tein tukdoh kahnak an tuah, I kahnak ruangah Depe Yin khua hnu lei ah a um Satpya Gyin khua le a dang khua 11 ah a um mi mipi hna cu a himnak an zam cuahmah hna tiah thanhnak an tuah.

Kahdohnak ruang ah minung 25 tiang an thi cang tiah khuami hna nih an chim. Ralkap le PDF lei an I kahnak ah PDF lei an tem ing ngai cang hna. Zeicatiah minung thazang le hriamnam aa thlau tuk. Cun ralkap lei nih hriamnam ngan an hman caah July ni 2 ah PDF lei minung 11 an I hliam I cu hna lak ah minung 6 cu a himnak hmun ah an chiah ta hna.

Asi nain a thaizing ah ralhrang kawlralkap nih an lu ah meithal in an rak kah hna caah an rak thi , cu ka hmun ah cun an ruak vui lawlaw asi tiah khuami pakhat nih a chim. Tutiang a ruak hmuh cang mi hi minung 25 an si cang I cu lak ahcun mipi sawh sawh minung 4 an I tal tiah BBC thawng zamh nak ah khuami nih an chim.

Depe Yin khua pawng ah hin aliamcia May thla thok in kahdohnak a chuah caah khuami pawl cu a him deuhnak hmun dang pawl ah an rak I thial hna. A tu tiang ah kahdohnak ruang ah a tlizam mi khuami hi minung 7000 leng an si cang I sii le eidin kan herh tuk tiah khuami hna nih an chim. July ni 2 thok in kahdohnak ruang ah PDF lei in minung 10 hliamhma an pu I minung 18 an thi tiah Depe Yin PDF lei nih thawng an thanh.

Be the first to comment

Leave a Reply

Your email address will not be published.


*