KHAH THAWNGPANG TTHA AN THANH TTHAN CANG, MIPI BIA AN CHAH CANG

NUG nih thaizing August ni 20 in an thok cang lai. Mipi he i pehtlaihnak tthawng le cak in a kal khawhnak dingah NUG nih Radio hmangin biachimnak tuah an timh i, thaizing in an thok cang lai. Thaizing hi zohchunnak an tuah lai tiah thanhnak an tuah. NUG nih timhlamhnak an ngeihmi Radio program hi thaizing zingka suimilam pariat in an thok lai.

Cun zanlei suimilam pariat ah voikhat suimilam cheu chung an tuah lai. Hi an chimmi ngeih khawhnak cu short wave meter 16/Megahertz 17.71 in ngeih khawh asi lai tiah an chim. Tutan thil hi zohchunnak a si bantukin region le state ah arak ngaimi hna nih a that le that lo audio record rak tuah ulaw rak kan kua te uh tiah NUG nih mipi sin ah nawlpatnak zong a tuah.

Nifatin zingka suimilam pariat le zanlei suimilam pariat ah suimilam cheu veve thawngchimnak an tuah lai i, Radio hi 10 digital radio hman asi ahcun an chimmi a tlaih khawh dih lai tiah an langhter chih. Hi konghe pehtlaiin NUG mipi sin ah biacahnak an tuah tthan rih mi cu inn kip vialte hna nih rak i ngeih cio uh tiah biacahnak an chim chap.

May be an image of one or more people and indoor

Relchih Thawngpang dang: Australia Citizenship Kongah Thawngtha Taktak Asi.Rak Share Cio Ve Uh. Chin Miphun nih ID ngeih lo ruangah Citizenship soknak ah kum sau nawn a hren mi hna mincazin (Thawngkhat ) leng cu tuchunah Department of Home Affairs sinah tlamtling tein kan pek cang hna. Sanetor Dean Smith nih Chin ram ah Birth Certificate kan hman lo nak, kan ngeih khawh lo nak le UNHCR nih ralzam in apom mihna cu Australia Cozah nih ID hal lo dingin caan sau nawn a kan zuam piakmi cu Bawipa thawngin a tlamtling cang.

Department of Home Affairs nawl ngeitu hna nih Citizenship soknak kongah Kawlram lei ID (Birth Certificate) tibantuk cu kan in hal ti hna lai lo.UNHCR nih ralzam ah a rak pom cang mihna pawl cu consent form nan ttial lai i Australia Cozah nawlngeitu hna nih hlathlainak kan tuah hnuah cohlannak kan tuah lai tiah tuchun ah thawngtha taktak an kan thanh.

Zumhlomi balte an um sualah cun hleihlainak kan in tuah tthan hna lai tiah an kan ti.Western Australia Perth ah Citizenship an pekmi hna, interview an auhmi hna le (1399 Form) Declaration Of Service an ttial termi hna an tam pah cang.Citizenship soknak kong le Interview tuahnak kongah Australia um Chin Miphun hruaitu upa dihlak meeting tuah dih hnuah mah le community coiah thawng kan thanh tthan te lai. Credit: Renny Ceu L Mang

Be the first to comment

Leave a Reply

Your email address will not be published.


*