Kawlram Ah Mipi Nih Duh Ning In Datsi An Caw Kho Ti Hna Loh

Mandalay telh in Myanmar ramchung khuapi hmun cheukhat ah rikhiah in datsi(petrol) an zuar, tiah theih a si. Rikhiah in zuarmi datsi(petrol) zong a cat deng cang, tiah tualchung mi nih an chim. Mandalay khuachung telh in Shan ramkulh, chaklei ah petrol rikhiah in an zuar caah datsi cawk a tim mi pawl cu artlang in an hngak hna, motor tampi zong datsi rawn ding in artlang in an dir.

Shan ramkulh chaklei Lashio, Muse, Naungcho khua hna ah datsi 1 litre ah Ks. 5000 hrawng a phan, tiah theih a si. Naungcho ah cun datsi a tlawm tuk cang caah petrol cu rikhiah in kan zuarpiak hna, tiah datsi zuartu hna nih an chim. “Atu lio ah cun datsi kan ngeihcia mi a tlawm tuk caah rikhiah in kan zuarh hna, cycle pakhat Ks. 3000 le motor ah Ks. 20,000 man tiang lawng kan zuarh hna,” tiah datsi zuartu pakhat nih a chim.

Thawngdang – Sagaing ramṭhen, Ayardaw peng Kabyu(ကဗျူ) khua ah ralvengtu SAC ralkap pawl cu nihin August 14 zing ah tualchung hriamtlai phu nih Drone in bomb an thlak hnawh hna, tiah theih a si. Thazaang 100 hrawng simi SAC ralkap pawl nih cun Kabyu khuami cu Covid raikhamsii an chun hna, cu lio ah ralvengtu SAC ralkap 10 cu zing suimilam 10 le minute 45 hrawng ah Drone in bomb kan thlak hnawh hna caah a hmun ah ralkap 5 an thi i, 4 hliam an tuar, tiah Minchain Zero phu in an lutlai pakhat nih a chim. Crd; The Chin Post

Be the first to comment

Leave a Reply

Your email address will not be published.


*