INDONESIA RAMDANG VUANCI AA SUM KHO TILO, A PHUAN CANG

ASEAN lei nih Kawlram konghe pehtlai in special embassador cu a rannak in thim a hau lai tiah Indonesia ramdang vuanci nih June thla ni 2 ah forhfial nak bia a chim. Kawlram konghe pehtlai in a herh mi riantuan ding hna cu ASEAN hruainak in tuah cuahmah lio asi. A luan cia mi April thla ah Indonesia ram ah tuah mi Kawlram kong meeting ah hnatlak nak 5 kan tuah khawh tiah ASEAN lei nih thawng a thanh.

Cu thawngthanhnak atuah hnu ah zeihmanh I thlen nak le thatnak a penh mi a um rih lo. Special embassador cu a rianrannak in thim I, hi thil sining vialte hi dihter a hau tiah Indonesia ramdang lei vuanci nih Jakarta ah an tuah mi media he I ton nak ah a chim. Hnatlak nak an rak ngaih mi 5 konghe pehtlai in cawlcangh ding ah ASEAN president le secretary hna cu Kawlram ah rat an I tim tiah theih asi.

A cunglei konghe pehtlaiin thawng zamhnak sin ah a chim tthan rih mi cu tulio Kawlram nih an ton mi buaibai nak siseh mipi hna nih an duh mi Democracy lam a panh khawh nak ding caah I ton nak le I ceihhmai nak cu tuah ding in thaazaang pek a hau tiah a chim chap. Theihcio bangin kawlram dirhmun cu a zual lei a panh chin lengmang cang.

Chairman's Statement on the ASEAN Leaders' Meeting, 24 April 2021 and  Five-Point Consensus - ASEAN | ONE VISION ONE IDENTITY ONE COMMUNITY

Thawngpang Dang: Ralhrang Kawl Ralkap le Katha PDF I kahdoh nak kong PDF lei nih thanhnak an tuah cang. Ralhrang he an i kah nak ah kaphnih lei khawnden nak le sunghnak a tam tiah Katha PDF nih thawng an thanh. May thla ni 30 Katha khua ah ralhrang Kawl ralkap le Katha PDF I kahdohnak ah PDF lei in minung 5 an nunnak a liam caah fak pin kan ngaih a chia. Asinain ralhrang kawlralkap lei in minung 8 leng an thih pin ah minung 10 leng hliam an pu.

Cu pin ah May thla ni 31 ah ralhrang kawl ralkap minung 3 an thi chap tiah theih asi. Ralhrang Kawl Ralkap lei a thi mi lak ah a tam deuh cu palik an si tiah PDF lei nih thawng an thanh. May thla ni 30 ah a cang mi I kahdoh nak zong ah ralhrang kawl ralkap pawl nih palik pawl cu hmai ah um ter in an doh ter hna tiah an langhter chih.

A thi mi lak ah Ka-tha peng sakhan hmu le palik minung 3 an I tal tiah thawng pang fiang in theih asi. Cu caah palik hna nih nan nunnak zei a rel lomi hi ralhrang kawl ralkap le uico hna kut tangah rian tuan in thih a phu le phu lo I ruat uh tiah ralrin pek kan in duh hna. Ka-tha le Banmaw mawtaw lam kam um mi mipi hna nih tu lio ah um kal I ralring cio ding in kan in sawm hna tiah Katha PDF lei nih thawng an thanh.

Be the first to comment

Leave a Reply

Your email address will not be published.


*