HRIAMNAM TAMPI A PHUR MI RALHRANG TILONG KIA NIH AN KAH

Ralhrang kawlralkap minung 50 hrawng an cuannak Tilong cu KIA hriamtlai nih an kah hna. Hi konghe pehtlaiin thanhnak an tuah mi cu tuni May thla ni 16 zinglei ah Kachin ram Shwe Gu lei panh in a rak kai mi hriamnam le ralhrang kawlralkap a phur mi Tilong pahnih cu KIA hriamtlai lei nih an kah tiah theih asi.

KIA nih an kah mi Tilong ah hin hriamnam tampi a um i, ralhrang kawl ralkap cu minung 50 hrawng an si tiah an langhter. Tilawng 2 si ko nain pakhat tu cu a yan bantuk in a kal mi asi tiah KIA lei hruaitu pakhat nih a chim. Tilawng min hna cu Poh Tan le Pin Long ti an si. Ralkap lei zong nih tilawng cung in RPG hmang in an kan kah ve hna tiah an langhter chih.

A luancia mi ni tlawmpal zong ah tutan thil an cannak hmun ah hin ralhrang kawl ralkap tilawng zong KIA nih an rak kal bal cang hna, Culio ahcun ralhrang kawl ralkap lei eidin pawl an rak chuh khawh hna tiah theih asi. Tuni tukdoh kahnak kongah minung zeizatdah a nunnak aliammi le hliam atuarmi an si timi tu cu an langhter chih lo.

Mitgyina Le Putao Kar Ah KIA Nih MAH Ralkap Pa 10 Leng An Thah Hna -  ZINGHMUH NEWS

Thawngpang:Hakha CDF biachahnak tuahmi hi ahmantuk, ralhrang minung pawl cu thah hna lo ahcun an tho tthan sual lai an ti bak ko. Chinland Defense Force Hakha hruaitu pakhat nih Yangon hrambunh thawngzamhnak a simi Khit THit Media ah fiang hlang tein a chim. CDF lei nih thanhnak an tuahmi cu a tanglei bantuk in an langhter.

Ralkap minung 3 le dalan pakhat cu thihdan kan pek hna lai, a rauh hlan ah an rak tho than sual lai tiah CDF lei nih an chim. Tlaih a tong mi mipi 60 cu ralhrang kawl ralkap lei nih an thlah duh hna lo caah ralhrang kawl ralkap minung 3 le dalan pakhat cu thihdan kan pek ve hna lai tiah CDF lei hruaitu pakhat nih Yangon Khattit Media ah a chim.

Mipi kan thlah piak hna tiah thawng kan thanh mi hna cu zei a kan leh lo caah an mah lei mi cu thah ve ding in biachah nak kan tuah cang. May ni 16 tiang ah hin mipi lei tlaih a tong mi hi minung 60 leng an si cang I palik sakhan le brigade 266 hna ah serhsat in bia an hal len hna. Mipi pawl an tuar tuk sual la ti kan phan caah ralkap lei cu hnu kan kir piak hna nak a si. A rauh hlan ah Chinram hmun kip ah kan tho than dih lai tiah a chim chih. Kawlca in relchih aduhmi caah atanglei ah kan thil chih.

Be the first to comment

Leave a Reply

Your email address will not be published.


*