GOOD NEWS: RALHRANG KAWLRALKAP MINUNG 11 AN THAH HNA

KA,KNDF Le Ralhrangbu I Kahnak Ah Ralhrangbu 11 An Thi,20 Leng Hliam Nihin August 3 ah Karenni Faruso le Bawlakhe pengah KNDF le ralhrangbu voi 4 an i kap.Bawlakhe peng Nangpheh khua pawng le Faruso peng Thaleh le Makharawsheik khua ah a rak ra mi ralhrangbu mawtaw cu Karenni Army – KA le KNDF nih an kah.Mah kahnak ah ralhrangbu 11 an thi, 20 nak tlawmlo hma an pu.Ralhrangbu mawtaw 3 cu khangh piak an si.

Shan ram thlanglei Phekhung ah ralhrangbu umhmun an khuar nak Town Hall cu bomb im an puah i palek 2 an thi tiah KNDF nih an thanh. Ralhrangbu hna nih Bawlakhe peng Nangpheh khuami hna cu an tlaih hna i, an thihphaih hna, an velh hna hlei ah an thilri zong an hrawh piak hna, phaisa zong an chuh hna.Ralhrangbu hna hi Karenni ram Loikaw, Demoso, Faruso, Bawlakhe le Phasawng peng chungah kahdohnak caah timhtuah in thazaang tampi an i chap tiah theih a si.

KA le KNDF fonh in Karenni ramchungah a um mi ralhrangbu hna cu kan tuk rih hna lai caah mipi hna cu i ralring cio dingin KNDF nih a thanh.Karenni peng Loikaw khuapi Nawngyang vengah mipi nih an tuah mi covid-19 cheknak kutka cu ralhrangbu nih nihin ah an hrawh piak hna caah KNDF an lungtlinlo nak an langhter nain ralhrangbu lei nih zeihmanh chimhrel mi a um lo tiah theih a si. KNDF, TCP

Thawngpang dang: CDF-Matupi nih Mipi Zulh ding le Ralrin Peknak Cathanh an Chuah. Nihin (August 3) ah CDF-Matupi nih Matupi peng chung khuasa mizapi nih zulh ding le ralrin peknak cathanh an chuah. (1) SAC ralhrang thawngpang pek, rawl dangh le bawmhchanhnak pek lo ding. (2) Mindat-Matupi lamthluan thluang ah SAC ralhrang le CDF-Matupi karlak ral lei entainak a linhsat lio a si caah ahohmanh mehmoi kawl in ramlak ah kal lo ding.

Pathumnak. Hmundang in Matupi ah a rak rami pawl SAC ralhrang he pehtlaihnak nan ngeihmi kan hmuh ahcun fak piin dantatnak kan in pek hna lai. (4) Raldohnak ah hliamhma a pumi le a thimi kong he pehtlai in CDF-Matupi Facebook Page nih official in a tarmi lawng i cherhchan ding le a thimi/hliam a pumi hna min le hmanthlak tar lo ding. (5) Ralrin peknak ca kan chuah nicaan thawk in ralrin peknak a zul lomi hna cung ah pakhatkhat a tlun ahcun CDF-Matupi nih ttuanvo ka la lai lo. The Chin Journal

Be the first to comment

Leave a Reply

Your email address will not be published.


*