GOOD NEWS: RALHRANG BAWMTU MINUNG PANGA AN THAH HNA

Good News: Ralhrang kawlralkap bawmtu Pyusawhhtee minung panga an thah hna. Sagaing ramtthen Minkin peng, Kule khua pawng ah Pyu Saw Htee le ralhrang kawlralkap minung 200 hrawng a ummi hna cu mipi ralkap fonh hna nih an kah hna i, kahdohnak ah ralhrang kawlralkap bawmtu Pyu Saw Htee minung 5 an thi tiah PDF nih an thanh.

Tutan ralhrang kawlralkap le a bawmtu Pyu Saw Htee a dohtu hna cu KPDF le Minkin PDF le tualchung PDF pawl an si. Zinglei suimilam pasarih in chun suimilam hleikhat tiang fak ngai in an i kap hna. Kahdohnak ah PDF lei in minung pakhat nih ram le miphun caah a nunnak a pek ve tiah an langhter chih.

Pyu Saw Htee militia terrorises Magway villages after two of its members  die in ambush, guerilla group says | Myanmar NOW

Thawngpang dang. NUG cozah nih $30 million man hriamnam an cawk cang nak kong mipi sin ah an thanh mi konghe pehtlaiin Palaw PDF nih zeitindah NUG cozah ni $30 million man hriamnam an phawtzamh timi an cuanh peng nak kong MPA thawng zamhnak ah an chim. Hi konghe pehtlaiin Palaw PDF chungtel pakhat nih a tanglei bantukin a langhter. NUG ni $30 million man hriamnam an cawk i, mipi ralkap sin ah an phawt timi cu dothlennak ah thawngpang ttha tuk a si.

A harh taktak nak hmun ah a phan maw timi hi a si. Anmah NUG lei nih an theihnak hmun lawngah hriamnam an pek asi ahcun a hman lai lo. Kan chim duhmi cu hriamnam an pek khawh asi ahcun a tthatuk.Asinain rampi huap dirhmun in kan cuanh asi ahcun $30 million man lawng cu a tlawmtuk lai. Khat lei ah atlawm kan ti nain a harh taktak nak hmun ah an kuat khawh asi ahcun a tthatuk thiamthiam ko. Vawlei kahdohnak le thilcang umtuning fakpi in dotthletnak an tuah hnu ah hriamnam phaw hna sehlaw ti hi kan duhpiak.

NUG nih cumi khami aa kan pek le a tthatuk lai timi ruahchannak cu kan ngei lo. Kannih cu kan ngaihchun hriamnam le kan hmuhmi hriamnam in ralhrang tukdoh dingah thatein biachahnak atuah cang mi kan si. Hriamnam kan ngaih lo ruangah ralhrang kut ah kan thi a si zong ah cumi hrang ah kan pe uh, Bomhnak tibantuk ah kan buai lo.Fiang tein kan chim ahcun NUG nih hriamnam a phak hlan pi in thawng an thanh chung mi hi khat lei caah thaazaang a um ngaingai. Asinain ralhrang thawng theihter bantuk zong a si. Hi bantuk asi tikah lampi kip ah biatak tein check nak an tuah i tlaih mi an um tawn tiah a chim.

Be the first to comment

Leave a Reply

Your email address will not be published.


*