GOOD NEWS: KALAY PDF NIH RALHRANG 8 AN THAH HNA

Sagaing ramthen, Kalaymyo peng ah ralhrang phu le Kalay-PDF kar kahdohnak a chuak, ralhrang phu lei in minung 8 an thi, Kalay-PDF lei in minung pathum hliam an tuar. Sagaing ramthen, Kalaymyo peng chaklei Laychia(လယ္ျခား) khua pawng ah ralhrang phu hna le Kalay mipi vengtu phu kar ah nihin September 4, zinglei in chunhnu tiang kahdohnak a chuak than.

Ralhrang phu lei in minung 8 an thi. Mipi vengtu phu lei in minung pathum cu hriam ngan nih a hliam hna tiah Kalay-PDF sin in theih a si. Ralhrang phu hna nih Kalaymyo chaklei, Magway ramthen he a pehnak Inngyun(အင္းကၽြန္း), Yeeshin (ေရရွင္) khua ah lut in mipi umnak inn cu meikhangh in an hrawh piak hna.

Laychia(လယ္ျခား)khua lei an kir ah Kalay-PDF nih an doh hna caah chunhnu tiang kaphnih kar kahdohnak a um tiah theih a si.Ralhrang phu hna nih hnahnawhnak a pek hna caah khuachung mipi hna cu a himnak hmun ah zaam in Kalay-PDF ven an si tiah Kalay-PDF nih cathanh an chuah. TCP.

KALAY PDF NIH RALHRANG LEHRULHNAK TUAH AN TIMH CANG – The Chinlung Post

Thawngpang dang: Hakha in Thantlang lei ah SAC ralkap 80 hrawng ke in kal, Thantlang SAC ralkap nih hriamngan an puah.September 4, 1:30 PM hrawng ah Hakha in Tlantlang lei ah SAC ralkap 80 hrawng an ke in an kal i Thantlang an phan rih lo, runvennak ah Thantlang SAC ralkap nih Hakha lei hoih in hriamnga an puah len, tiah kan theih.Hakha in Thantlang ah ralkap 80 hrawng ke in an kal.

Atu hi lampi ah an um i, Thantlang an phan rih lo. Thantlang khuachung um ralkap nih an i runvennak a si lai dah. Hriamngan an kah (puah) len,” tiah min langhter lo mi pakhat nih The Hakha Times ah a chim. August 25 lio Thantlang kahdohnak a um hnu ah SAC ralkap thazaang an chap i nihin zong minung 80 tluk thazaang an chap than tiah kan theih. Atu ca kan tial 2:00 PM ah SAC ralkap pawl cu Timit hrawng an phanh lio a si lai tiah theih a si. Credit: The Hakha Times.

Be the first to comment

Leave a Reply

Your email address will not be published.


*