GOOD NEWS: AUNG SAN SUU KYI A SIHNI NIH A PHUAN CANG

Tuchun Aung San Suu Kyi thawngpang theih cu lung a hmui hringhran ko. Tuchun konghe pehtlaiin thanhnak an tuah mi cu Aung San Suu Kyi cu thinlung thaazaang tthawng ngai in a um i mipi an um chung paoh NLD party a nung peng lai tiah fiang ko in a chim. Daw Aung San Suu Kyi cu thinlung thazang thawng ngai in a um lio a si.

Ralhrang kawlralkap hna nih hramhram in sual phunkip awhter in Aung San Suu Kyi an tlaih thok in lenglei minung he pehtlaihnak pakhat zong an ngei rih lo. Asinain tuchun ah Mipi an um chung poh cu NLD party a nung peng lai tiah ram mipi vialte theih in Aung San Suu Kyi nih a chim tiah a lawyer nu Daw Soe Soe Min nih a chim.

Aung San Suu Kyi nih mipi an zatein dam tein an um khawh nak ding ah thla ka cam. Party kan dirh nak a ruang cu mipi caah a si caah mipi an um chung poh cu party a um peng lai tiin bia a ka cah tiah Daw Min Min Soe nih a chim rih. Aung San Suu Kyi cu tension tamtuk ngeih lo in le thaazaang thawng ngai in mithmai panh tein a um ko tiah a chim rih. Daw Aung San Suu Kyi cu ralkap lei nih khoika ah an chiah ti theih asi rih lo tiah theih asi.

Suu Kyi speaks with lawyer via video call, requests in-person meeting |  Page 3 | Myanmar NOW

Loklung khua inn 180, khuami 850 fai cu khuapi le khuate hmun 12 ah an zaam. Hakha in meng 10 tluk lawng a hlatnak khua Loklung khua i May 18-19 ah CDF le Kawl Ralkap an i kahnak ruang ah khuami an zapi nawn in an zam i Hakha, Vanmualthar (Lichia), Zathal, Buanlung, Phaipha tbk. ah dornak an kawl. Cun, Mizoram tiang a phan mi zong an um tiah theih a si.

Loklung khua in a zaam mi a dang tampi chung in Dongva khua ah dor ding in a phan mi hi 190 fai an si cang tiah theih a si. Nain, lamnaih khua ah chawhleh le thialkam pah a si caah, a milu zat hi fiang in chimh khawh a si lo. Loklung in a zaam mi hna hi khuapi in khuate kip tiang an zaam lawng silo in, a cheu cu Mizoram tiang an phan. A tanglei ah The Chinland Post nih pehtlaihnak tuah khawh mi chung in kan hun langhter;

Hakha in Dongva khua eidin bawmhchanh ding tawlreltu nih, “Dongva khua lawng ah 190 in 200 tluk an si cang. An karh chin lengmang. A dangdang khua, Vanmualthar (Lichia), Zathal, Buanlung le Hakha lei ah an i dor cio hna. Khua mi nih him nakding caah lam hlat chinchin ah phanh an duh. Hakha ah a rak phan cang mi zong, Khuate lei ah a thial than mi an um len” tiah a chim.

Dongva khua caah, facang telh in eidin tbk. zong kan tawlrel, cawk cia zong a si cang nain, kan pe kho hna lo. Facang le ei din phorh cu an duh lo caah Khuate lei a ummi sin ah kan phanh ter kho lo tiah a chim. Loklung khua mi an zaam dih hnu ah, May 20 ni CDF nih cathanh an chuah mi ah tanglei bantuk in an langhter, “CDF-Hakha le Ralhrang Kawl Ralkap minung (70) tluk cu Hakha-Gangaw lam in Loklung lei pialnak ah an rak kan tum hnawh caah May 18 zanlei 4pm tluk in May 19 deilei 6am tluk tiang Loklung khuachak ah kan ikap.

Cu kahnak cu khuami, Mino bu le Khua nupa hna sin theihter hmasa lo in tuahmi a si lengah Khuami dihlak thinphang thlalau tuk in a himnak lei nan tlik nan zam mi cungah nan kan ngaithiam I na kan theihthiamnak lai kan in nawl hna”. Loklung khua hi inn 180 tluk a um i, milurel in 850 an si. Hmanthlak: Loklung khuami an zaam nak pakhat a si mi, Dongva khua a si. Hmanthlak hi Dong Va timi FB ah kan lak mi a si. Credit: The Chinland Post.

Be the first to comment

Leave a Reply

Your email address will not be published.


*