CDM PAWL RAK KIR UH, NAN SUAL KAN NGEIH THIAM HNA LAI

CDM atuahmi hna rak kir tthan uh, kan in ngaihthiam hna lai tiah ralhrang nih thanhnak an tuah. Asinain Zum hlah uh tiah CDM atuahmi pakhat nih a chim colh. Bomb apuahtu le mithilri alatu siseh, ralhrang a rak dohtu le rampi inn le lo a hawktu, cun CDM tuahnak ah tawlreltu hna cu nan i tel lo tiah an ti rih. Tluangtlam tein CDM atuah mi lawng kan cohlan hna lai tiah Yangon palek bawi nih a chim.

Kir a duhmi hna nih mah le umnak palek zungah pehtlaihnak tuah khawh asi. A hlan ahcun mah phone number hna hi CDM tlaihnak ah an rak hman tawnmi phone no a si i, a tu ahcun kir a duhmi hna bawmh dingah phone number kan thlen cang tiah an chim. Hi konghe pehtlaiin BBC nih nu pakhat biahalnak an tuahmi ah ralhrang nih hithil an tuahmi hi CDM tlaih an duh hna caah asi lai tiah a chim.

CDM tuahnak in kir a duhmi hna nih anmah an konglam hna cu palek sakhan ah siseh an sang khuabawi sin ah siseh, aa neih biknak palek sakhan ah chim le rel khawh asi tiah a cunglei palek bawi nih a chim rih. Sakhan an rak tikah kan tlai hna lai lo tiah a peh rih. Sakhan an rak phak in an sualnak case pawl cu ngaihthiam dingin kan tawlrelpi hna lai tiah a langhter tthan. Hi konghe pehtlaiin CDM a tuahmi chungin a zammi pakhat nih a chimmi cu ralhrang auhnak cu zumh ngam ding silo tiah a chim.

Thawngpang dang: Min Aung Hlaing le a nau le rual caah thinphang si cang. Ram pumpi huap in tukdohnak tuah a si hlan hmanh ralhrang pawl hi an dirhmun attha tilo. Rampi huap in tukdohnak tuah asi le bang ah cun ralhrang kawlralkap dirhmun cu a chia chinchin lai. Tutan ah Pego PDF hruaitu nih thanhnak atuah mi cu a tanglei bantukin a si.

Rampi huap in tukdohnak Ni le caan cu a nai cang tiah a chim. Hriamnam hmangin le ningcang lo tuk in mipi cungah kut a thlatu ralhrang kawlralkap doh dingin ramri ah training a tuahmi Pego PDF hruaitu lutlai pakhat nih a chim mi cu nawlngaihnak vialte a latu ralhrang kawlralkap doh dingah rampi huap in hmunkhat ah cawlcanghnak caan arau ti lai lo. Ani taktak tucu afiang rih lo, nan lungdong hlah uh tiah thawngzamhnak ah achim.

Be the first to comment

Leave a Reply

Your email address will not be published.


*