CAAN SAU A RAU TI LAI LO TIAH ZAW MIN TUN NIH A CHIM

Sau a rau lai lo, 2023 August thla tiang lawng nawlngeihnak kan tlaih lai, tiah Zaw Min Tun nih chim. August 27, Nawlngeihnak hi kan i hum peng in kan tlai peng lai lo, 2023 August thla tiang a si ko lai, tiah SAC Chimphuannak Nawlngeitu Zaw Min Tun nih a chim.Vawleipi in sawm mi upa hna he Media thawngfianhnak an tuah mi ah Zaw Min Tun nih atu bantuk in a chim hi a si.

I, Innhngak Cozah (Caretaker) min hmang in nawlngeihnak hi caan sau kan la in kan tlai lai lo, tiah a chim. SAC le Caretaker Cozah nih 2023 August thla hlan ah thimnak kan tuah lai i teinak a hmu mi party sin ah nawlngeihnak cu kan chanh te lai, tiah Zaw Min Tun nih cun a chim, tiah Popular Journal nih a langhter. Credit: The Hakha Times.

Myanmar junta blames protesters as EU, US impose sanctions

Thawngpang dang. Minute 30 chung lawngah KIA nih ralhrang kawlralkap minung 15 renglo an kahthah hna. Zahanzan ah ralhrang kawlralkap hna cu Kachin ram Puta Oo peng Tanjia khuapawng ah KIA nih an kah hna i, kap hnih in an i kahchung hi minung 30 hrawng lawng a si. Tutan ah an i kahnak a ruang bik cu KIA nih an duhlonak hmun ah ralhrang pawl hi umhmun khuar an timh caah a si. I kahnak konghe pehtlaiin Puta Oo khuami pakhat nih a chimmi cu Tanjia khuapawng ah ralhrang kawlralkap KIA karlak ah kahdohnak a chuak timi thawngpang cu biadik a si.

Ralhrang kawlralkap lei hi umhmun khuar an timh caah KIA nih an kah hna. I kahnak ah kawlralkap lei in miruak an zawnh lio ka hmuhmi hna hi ruak 15 renglo an si tiah a chim.Minute 30 hrawng an i kap i, thawngpang a dai tiah a chim. Hi kahnak konghe thiamthiam in Lungshayan khuami pakhat nih a chim vemi cu kan khua hmanh in meithal puah thawng hi kan theih. Asinain hriamnam ngan khuachung ahcun a tla lo.

Kan khua in meithal thawng kan theih hi minute 15 hrawng a si i, hi thawngpang kahnak theih ruangah Jania khuami cu kan khua ah an rak zam tiah a chim.Tutan an i kahnak hmun ah hin voi nga ralhrang le kawlralkap hna hi an i kap cang. Hi hmun hrawnghrang Lungshayan auhsuh chungah KIA nih ralhrang kawlralkap hna cu umhmun nan khuar lai lo tiah an ti hna. Asinain ralhrang kawlralkap lei nih umhmun khuar an i timh lengmang caah i kahnak hi a chuak tiah an langhter chih.

Be the first to comment

Leave a Reply

Your email address will not be published.


*