AA Le SAC Ralkap I Kahdohnak Ah SAC Ralkap 7 An Thi, Minung 6 An Tleih Chap Hna

Nihin August 13, zinglei le zaanlei ah Rakhine ramkulh, Maungtaw(မောင်တော) chaklei le thlanglei, Yataetaung(ရသေ့တောင်) peng ah SAC ralkap le AA kar fak ngai in kahdohnak a chuak. SAC ralkap lei a thi an tam leng ah hriamthil zeimawzat kan lak khawh, tiah AA lei chimphuannak nawlngeitu U Khine Thu Khah nih a chim.

SAC ralkap le AA hna cu August 13 ah khan voi 3 an i kap i, kahdohnak ah cun SAC ralkap 7 an thi i, midang 6 tlaih an tong, tiah theih a si. Maungtaw (မောင်တော) thlanglei Wailatauk (ဝေလာတောက်) lei zong ah kahdohnak a chuak ṭhan i, hriamngan kah thawng cu zinglei suimilam 10:00 hrawng in zaanlei tiang kan theih, tiah Minkhamaung(မင်းခမောင်း) khuami pakhat nih a chim. Maungtaw(မောင်တော) thlanglei ah SAC ralkap nih ramri an hngahnak sakhan a um i, Rakhine ralkap he atu le tu ti tluk in kahdohnak a chuahnak hmun zong a si.

Thawngdang – Chin National Front (CNF) Pehtlaihnak Office cu nihin August 13 ah, Chin National Army hmunpi ah onnak an tuah, CNF Upa rianngeitu hna le Department kip in rianngei dihlak nih an tel pi hna pin ah CNF/CNA he hawikom simi hna upa cheukhat zong nih an telpi hna i rawl dum ținak zong an ngei hna.

Office onnak program cu zaanlei slm 4:00 in an thawk i CNF Assistant General Secretary-3 Pu HC Ral Hnin ( Pehtlaihnak Office Lutlai) nih biatawi chimnak a ngeih hnu ah United Chin Christian Fellowship (UCCF) Pastor Tluang Hre nih Pathian sin pekchanhnak le thlacamnak a ngeih. Euro Burma Office (EBO) Director Pi Chin Chin Pek Thang nih Ribbon tannak a ngeih. Crd; The Chin Post

Be the first to comment

Leave a Reply

Your email address will not be published.


*