I CHIM CIO HNA USIH, TUNI AH THAWNGTHANHNAK AN TUAH CANG

Kalaymyo le Kankaw a ummi kan chungkhat theihhngalh vialte chimcio hna usih, a biapi taktak mi Kalay PDF nih thanhnak an tuahmi a si. Kalaymyo le Kankaw lampi ah ahohmanh nih motor thlalang-awng khar lo ding tiah thanhnak an tuah. Motor thlalang awng khar ruangah pakhat khat thil a can sual a si ahcun Kalay PDF nih mawh kan phur lai lo tiah tuni ah thanhnak an tuah.

Culawng siloin Kalaymyo thlanglei South, Kankaw lampi ah ralhrang kawlralkap hna cu umhmun an khuar cuahmah lio asi i, mipi aa chawkvak mi vialte hna zong nih fimkhur tein kan um ahau cang. Kahdohnak a chuah or a um sual tikah kuanfang le bomb lak ah mipi kan him khawhnak dingah ralring tein um cio hna usih. Culawng siloin ralhrang kawlralkap kut in khuami hna zong kan luat lai tiah theihternak kan in tuah tiah an langhter chih.

Thawngpang dang. Minkin(မင္းကင္း) ah ralhrang phu hna nih Kyautkhetat(ေက်ာက္ခဲတက္) khuami pathum cu an thah hna hnu ah an ruak cu Chindwin tiva ah an hlonh. Sagaing ramthen,Minkin peng Kyautkhetat (ေက်ာက္ခဲတက္) khua mi minung pathum cu ralhrang phu hna nih an thah hna leng ah an ruak cu Chindwin tiva ah an hlonh hna tiah khuami hna nih an chim. Khuachung thawngzamhnak ThinGaDoneNews nih langhter ning ah nizaan August 17 nih ah Pansat tawngphyu(ပန္းဆက္ေတာင္ျဖဴ) um pyusawthi phu hna le ralhrang phu hna nih Kyautkhetat (ေက်ာက္ခဲတက္)khuachung ah an luhhnawh hna hnu ah mipi hna cu an tlaih hna.

August 17 ni ah U Boe Awng(kum-60) le Ko Phoe Tauh(kum-26) hna cu an thah hna hnu ah an ruak cu tichung ah an hlonh.Thah a tong mi minung 3 ruak cu Chindwin tiva ah an hlonh hna i, an ruak cu ti cung ah a vuan tiah a hmu tu hna nih an chim.Tlaihkhih an ton zong khua mi hna nih an hmuh hna, an thah mi hna ruak cu langhter lo in thuhnawh an timh.Thah a tong mi hna hi khuami mi sawhsawh te an si ko ,PDF zong an si lo” tiah khuami pakhat nih Khit Thit Media ah a chim. Ralhrang phu hna cu Minkin khuate lei ah lut in an thilri zong hrawh piak in an lak piak hna ,mipi hna cu a ruang um lo in an thah hna tiah theih a si. TCP

Be the first to comment

Leave a Reply

Your email address will not be published.


*