MIN AUNG HLAING FAPA SIZUNG AH A CANGMI AN LANGHTER CANG

Mithat lainawng ralhrang kawlralkap lutlai Min Aung Hlaing fapa nih a ngaih mi sizung ah rianttuantu minung 40 hna covid zawtnak an ngei tiah thanhnak an tuah. Min Aung Hlaing fapa nih a ngaihmi Kantharyar sizung ah rian a ttuanmi minung 40 hna cu tulio zawtnak covid an ngei tiah hmuhchuah a si. Zawtnak angeimi hna cu hmundang ah zohkhanh an si.

Cun tthenkhat rianttuan tu hna cu inn lei ah an lawiter cang hna tiah RFA thawngzamhnak nih a langhter. Tutan ah zawtnak angeimi 40 an hmuhnak hmun Yangon Kantharyar International Specialist sizung angeitu hi Min Aung Hlaing fapa Aung Pyae Sone ta a si. Tuan deuh ah khan bomb a puah ruangah hi sizung cu ralhrang kawlralkap hna nih an congh dihmi a si.

Min Aung Hlaing fapa Aung Pyae Sone nih angeimi Kantharyar International Specialist sizung hi a liamcia kum 2015 ah dot riat in an sakmi an si i, a saknak le a chung sehthilri an chiah mi hna hi US tangka in ting thongli hrawnghrang a dih tiah an langhter chih. Mah sizung hi Yangon ah a ummi a si.

KAN THAR YAR International Specialist Hospital - Photos | Facebook

Abiapituk mi Hakha ummi caah thawngpang ttha: Cung Hu bantuk minung Laimi nih kan rak i ngeih hi cu Pathian nih thluachuah ngan taktak an kan pek, kan vantha tuk hringhran. A hlan tein mipi caah le harsa caah a si khawh chung in a cawlcang, a si khawh leng tiang in a cawlcang, Thisen pek a hau mi caah siseh, ngaktah buangro Sizung kal nak a ngei lomi caah a siseh, a kapkip in Laimi an kan dirkamh tu kanpa taktak a si.

Atu zong ah a taang lei bantuk hin thawngthanh nak an kan tuah tthan. Na hawi le share cio hna law. Cung Hu nih a chimmi cu, Nannih nih man pek lo in nan hmuh i man pek lo in va pe ve hna u.” (Matt 10:8b) HOPE Blood Donor Organization(Hakha) nih Oxygen dawp a herhmi hna caah kan ngeih chun Oxygen cu man lo in nan hman khawhnak lai kan si khawh chung in kan i zuam lai.

Oxygen rak lak ding ah Motor na ngeih lo ah cun nan inn hmai ah kan rak in pek hna lai a tuahning kan in chimh hna lai. A haang rawn man siseh, phorhman siseh ho hmanh phaisa nan pe hnga lo. Nunnak thaw hi a tu lio ah cun a man khiah khawh lo lio caan a si. Bawipa sin in “Nunnak Thaw”cu man lo in kan hmuh bang kan nih zong nih man lo in “Vawlei Thaw” cu kan in pek ve hna lai. Jehovah Pathian nih Sunpar CO ko seh. Cung Hu, Tel: 09 400305298, 09400905298.

Be the first to comment

Leave a Reply

Your email address will not be published.


*