MIN AUNG HLAING ALUNGDONG CANG NAWLNAK A TUAH CANG HNA

CDM Tuahmi Ngandam Riantuan Sii-Inn Ah Kai Than Dingin Ralhrang Lubik Nih Nawlnak A Tuah”Sizung Ah Van Kai Canguh” Tiah CDM Tuahmi Ngandamnak Lei Riantuan Hna Cu Ralhrang Bawi Nih A Nawl. Covid third wave ah zawtnak a karhtuk i, sizung ah sibawi te an i deih lo caah CDM tuahmi sibawi te cu sizung kai than dingah nawlngeihnak latu ralhrang rallokap bawi Buhmugyi Min Aung Hlaing nih nihin ah nawlnak a tuah.

Kanmah nih cun voitam pi kan in auh ko hna, van ra uh,atu bantuk hi zatlang kongkau a si,ramkhel lei a si ,ram caah a si, Micheu cu an ra than,micheu cu a ruang tam pi ruang ah a ra kho lo mi an um, kan nawl than ko hna , ngandamnak lei zohkhenh tu dihlak fonh in tuan ding ah chim ka duh ” tiah nihin Naypyidaw ah tuah mi Covid-19 zawtnak kong he pehtlai in tonnak ah a chim.

Atu sizung le sikhan ah ngandamnak lei depay kuttang in ngandamnak lei riantuan hna le rallokap phu in ngandamnak lei riantuan mi dihlak hi 30000 leng nih mizaw zohkhenhnak an ngeih nain Covid zawtnak zohkhenhnak ah an tei kho lo. Rallokap nih CDM cawlcangh nak ah a tel mi sibawi te cu an tlaihhna hlei ah a sual puhmi sanghlei in taza an cuai hna.

A luancia mi Covid rai tlun lio ah khan, zawtnak zohkhenh tu ah a hlei in a tel mi ngandamnak lei riantuan tu hna cu thongthlak an si i,CDM tuahmi Ngandamnak Lei riantuan tu tamdeuh cu an hal mi ramdaihnak a ngah hlanlo CDM cawlcanghnak ah pehzulh tel ding in media ah an langhter. TCP

Myanmar doctors stop work to protest coup as UN considers response

Thawngpang dang:Falam peng Taal Khua ah ralhrang kawlralkap nih ting 150 man thilri an hrawhhral dih. Falam peng Taal khua ah ralhrang kawlralkap an lut i, khuachung thilri tamtuk man hna cu an hrawhhral dih. Thilri an hrawhmi hi kawlram tangka in ting 150 man hrawng asi pin ah thildang tamtuk an lakmi a um rih tiah theih a si. Ralhrang kawlralkap hna cu July 20 ah Taal khuapawng an phan.

Kahdohnak a chuak ruangah nihnih le zanhnih chung an taang. July ni 22 zingka suimilam pariat ah Taal khua ah an lut i rawl an ei, inn 21 an bauh i a chungah a ummi thilri TV pali le a dang thilri tampi an hrawh rih. Ralhrang pawl nih TV pakhat le phone pali, thilpuan siseh, facang, chiti, Ar 50 hrawng le tangka an fir lak rih.

Khuachung ah dawr pakhat lawngah thilri an lakmi hi kawlram tangka in ting 15 man hrawng a si. Ralhrang kawlralkap hi chun suimilam 12 hrawngah an kal i, Taal khua inn 26 ah inn 21 cu an hrawh tiah theih a si. Hi konghe pehtlaiin khuami pakhat nih a chimmi cu ramtangah nihnih le zanthum kan um. Ruah a sur lak le caangvat lak ah tar le hngakchia asi i a har ngaingai tiah a chim.

Ralhrang kawlralkap hna cu an duh paoh in khuachung an hrawhhral lio caan hi mipi hohmanh an um lo caah mipi hliamhma atuarmi le tlaihmi siseh a nunnak aliammi cu an um lo. Kahdohnak ruangah Taal le Tlangzar le Thlanrawn, Rialti khua 4 hna chungin minung zariat in zakua hrawnghrang ram tang ah an zam hna. Atam deuh cu khuachung ah an kir cang hna tiah theih a si.

Be the first to comment

Leave a Reply

Your email address will not be published.


*