SALAI BLM: MINDAT AN LAR! MINDAT MI HUAISEN NIH KAWL RALHRANG AN DEN CIKCEK HNA

Mindat an lar! Mindat mi huaisen nih Kawl ralhrang an den cikcek hna. Lai meithal le Laipa ciammam. Mindat khua pakhat te lawng nih an doh mi hna kha Kawl ralhrang Ttatma 33 (Battalion 10) an mah Mindat ummi Kawl ralhrang Battalion 276 le Matupi Tactical battalion 3 fonh nih an tei hna lo. Mindat khua lawng kha battalion 14 hrawng an ibawm i an tei hna lo.

Vanlawng le Miakpi in khuachung an kah caah hnu ah an tolh mi asi. Kan zapi in kan ttantti ah cun kan tei tuk hna lai. Atu zong Lai meithal lawng hmmanh in kan tei cuahmaa hna.Tlawmpal ah Hakha tlangval, Tedim tlangval, Falam tlangval, Tantlang tlangval, Matupi tlangval, Kanpetlet tlangval, Paletwa tlangval an vun lar thuah mah rih lai. Credit: Salai Bawi Lian Mang

Mindat kahdohnak an ngol rih lo, ralkap a tlawm bik 4 an thi - Daily Hot  News

Tunai thawngpang. Breaking News: Loklung Khuami Ramlak ah an Zaam Dih Hna. Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih.Khuachung ah ngandamlo chungkhar pahnih lawng an taang i SAC ralhrang nih inn pakhat zong an khangh tiah pastor pakhat nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a a chim. Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial. Credit: The Chin Journal

May 18 zaan Hakha ah SAC phu nih minung pathum an tlaih hna. Zahan May 18, 8:30 pm in 9:00 pm kar Hakha Dawrhlun Kuatthit Sang Hausangva pawng ah SAC phu Palek le Ralkap nih minung 3 an tlaih hna. An tlaih mi hna hi Sui Thawng pa (Zokhua), Joshua (Lunghnam) le Peter an si. Cu ruang ah a si hnga maw, tuzing 9:30 am hrawng ah khan Hausangva pawng ah bomb a puak,” tiah khuami pakhat nih The Hakha Times ah a chim. Credit: The Hakha Times

Be the first to comment

Leave a Reply

Your email address will not be published.


*