WOW, DONALD TRUMP NUPI HMASA BIK ZONG AUM KHO TILO APHUAN CANG

Thimnak result kongah Donald Trump nupi tthing zong a um kho ve tilo. Fiang taktak in mipi theih in aphuan cang. Tutan thimnak cu theihcio bangin thilsining afiang kho hrimhrim lo. Donald Trump le Joe Biden cu pakhat le pakhat teitu ka si tiin an i tlerh lengmang lio asi. Thimnak kongah Trump nih nizan ah khan teinak ka hmu lo timi voikhat te a chim.

Theihcio bangin vote konghe pehtlaiin ningcang loin thil aum tiah an ti ruangah Donald Trump dirkamhtu hna cu duhlonak tiangin an langhter. Culawng siloin court tiangah atu an phakpi cang. Cun state tthenkhat ahcun vote an rel than cuahmah lio asi. Donald Trump party pawl nih cun vote tampi ningcang loin a um i, cu vote vialte cu Biden sin ah akal dih tiah an ti.

Atubantuk in thil aum caah Donald Trump nupi tthing asimi Ivanna a um kho ti lo. Aphuan ve cang, Atimi cu ka vapa tthing Donald Trump cawlcangh ning siseh teinak ka hmu lo timi a cohlang khawh lomi nih hin kei cu ka khuaruah ahar lem lo tiah a chim. Ivana nih apeh tthan mi cu Donald Trump hi ka vapa tthing asi i, alung akhoh ngaingai mi asi.

Teinak hmuh lo hi, ahuat taktak mi asi tiah a chim. Cubantuk in teinak ahmuh lo tikah biatak tein adir pengmi asi tawn. Nuva kan sinak caan zong asau ko cang i, ka vapa Donald Trump umtu khuasak ning cu ka theih ngaingai ko. Sihmanhsehlaw tutan thimnak nih hin ka zeite hmanh aka poi lo tiah a chim chih rih.

Donald Trump nupi tthing asimi Ivana Trump nih a chim bantukin Donald Trump zong nih aliamcia July thla ah Fox News he tonbiaruahnak an ngeih lio ah tlawmpal cu a rak chim ve cang. Donald Trump duhthimnak hi ka lung alut lem lo tiah anupi tthing nih a chim. Sihmanhsehlaw teinak a hmuh lo asi ahcun teinak ahmu lo ti asi ko cang.

Atangka tampi he kohti tuk, asiloah normal life tein a nun hi hmang sehlaw, hihi a caah attha bik mi duhthimnak asi ko tiah a chim. Ka fale pawl Eric, Donald Jr siseh Ivanka si hnaseh hawi bantukin normal life hmang seh tihi ka duh bik mi asi ko tiah a chim pin ah White House i caan hmang ding cun ka duh lem lo tiah a chim.

Theihcio bangin Ivana Trump cu Donald Trump a nupi hmasabik asi i, aliamcia kum 1977 in kum 1992 tiang hmunkhat ah a ummi an si. An mah pahnih nih an hrinmi hna cu Ivanka Trump le Donald Jr cun Eric Trump an si. Ivana he an i tthen hnu ah Marla Maples he an i ngei tthan hi fanu pakhat Tiffany Trump an ngei tthan. Cun atulio US First Lady Melania Trump hi Donald Trump anupi adonghnak bik a si. Atu anupi hi Donald Trump nupi chungah a pathumnak asi.

Tulio US buainak. Ttihnung ngaingai si cang, US thimnak hnuzul cu atu hi thinphan dailo taktak asi cang. Tthenkhat nih an timi le bangah Civil War tiang a chuak khomi asi tiah an chim. US thimnak cu November nithum ah khan an thok. Asinain tuchun nitiang thawngpang fiang taktak theih awk aum lo. Thawngzamhnak kip nih an langhterning ahcun Joe Biden hi teitu asi tiah an chim.

Cu konghe pehtlaiin Donald Trump nih teinak ahmuh lomi cungah aphunphun in lam akawl ve i, atuhi court ah biatak tein khuakhan lairelnak an tuah cuahmah lio asi. Donald Trump nih voitam pi tutan thimnak kongah alungtlin lonak alanghter. Cu chungah ahnu bik ah achimmi hna cu, Vote ning cang tein rel hna sehlaw katei tuk lai tiah a chim.

Culawng siloin thimnak ah teinak kan hmuh, Joe Biden tham cu lih le hrokhrawl in pei teinak ahmuh ko cu tiah aphunphun in bia a chim. Thimnak konghe pehtlaiin Donald Trump adirkamhtu hna cu New York khuapi ah lamkhat in minung thong tampi an chuak i, Trump dirkamhnak hoih in an lungtlin lonak an langhter hna.

Mipi lam zawhmi hna cu biatak tein kilven le zohkhanh an si. Sihmanhsehlaw buainak achuak tthan. Tutan buainak konghe pehtlaiin nawlngeitu hna nih minung 20 renglo an tleih cang hna. Hi hna pawl an tleih hna nak aruang bik cu, ttihnung hriamnam midang fahnak ape khotu thilri an i ken caah asi tiah an chim.

Hi buainak konghe pehtlaiin tthenkhat thawngzamhnak nih an langhter ning ahcun minung pakhat zong nam sawh atong i, tlangtlatu police chungin minung pahnih zong hliam an tuar tiah an langhter. Atu bantukin thil acan lengmang sual asi ahcun US zong abuai khomi asi tiah an chim. Aruang cu thimnak ah hin ningcanglo atamtuk ti asi.

Joe Biden zong atuhi teinak ahmuhnak cungah vawlei cung ramhruaitu tthenkhat hna zong lawmhpinak an tuah cang ti asi. Asinain tthenkhat nih cun afiang rih lo, phungning tein president ding an thanh tikah lawmhnak cu kan chim te lai tiah an ti. Hi konghe pehtlaiin US thimnak ah hin ahodah teitu asi i, official in hodah president cu asi timi an thanh hlan cu chim awk attha rih lo.

Be the first to comment

Leave a Reply

Your email address will not be published.


*