WHO NIH RALRINNAK THAWNGPANG AN CHUAH TTHAN CANG

Kenya cu WHO nih ralring tein um dingin biacahnak atuah. Zawtnak konghe pehtlaiin Kenya cu phihkharnak an tuahmi pakhat hnu pakhat in thlahdorh hram an thok cang. Curuangah WHO nih ralring tein um tiah bia a cah hna. Kenya ram ah tulio zawtnak cu ttumchuk hram aa thok cang tiah cozah nih an langhter. Asinain WHO nih hihi hnangam in um hlah uh, Phihkharnak vialte thlah dih awk attha lo tiah an langhter.

Atu bantukin Kenya ramchungah zawtnak a ttumchuknak aruang bik cu cozah nih zawtnak checknak tlawmte lawng an ngeih caah asi tiah WHO nih a chim. Hithil hi rampi huap in zawtnak a ttumchuk timi tahnak ahcun atlak lo tiah a chimchih. Hi konghe pehtlaiin Health Minister nih alanghter ning ahcun rampi huap in zawtnak check mi hna hi minung tingli renglo an si tiah a chim ve.

Zawtnak konghe pehtlaiin WHO nih vawleipi sin ah biacahnak zong atuah tthan. Aho hmanh zawtnak kongah hin i thlahdorh hlah uh. Zeibantuk ram paoh nih zawtnak hi a dihdong cang timi hi nan chimcaih dingmi asi lo. Zawtnak khamnak ding caah timhtuahnak thate um loin phihkharnak tuahmi hrawhhral hi fahnak lehlam a chuahter kho mi asi tiah a ti.

Zawtnak a chuahnak in atuhi thlapa thlariat asi cang i, hi ruangah minung tampi hna nih cun phihkharnak tuahmi nih a simhpah cang hna.Cu lawng siloin ahlan sining bantuk in um an duh cang. Hngakchia hna zong hi thatein sianginn kaiter kan duh ko hna i, rian zong tthatein pehzulh zong kan duh ko hna asinain i ralring taktak ahau tiah WHO director nih a chim.

Zawtnak kong tthiamtthiam he pehtlaiin Ghebreyesus nih a chimmi cu zawtnak a dih cang bantuk in zeibantuk ram hmanh nan langhter ding asi lo. Asi ning taktak ahcun zawtnak hi akarh fawituk i, phihkharnak tuah loin i thlahdorh sawhsawh ding mi asi lo tiah vawlei cungmi sin ah theihternak an tuah tthan.

Be the first to comment

Leave a Reply

Your email address will not be published.


*