DONALD TRUMP NIH NUFA HNA TUARNAK A THEIH CANG VIDEO HE

Zaangfak taktak an si, Donald Trump a dirkamhtu nufa hna cu Democrats nu pahnih nih an tthuat hna. A fa hi kum 7 te lawng a upa rihmi asi. Hi thilhi nizan ti awk ah khan acang mi thil asi. Kum 7 asimi Riley le a nu nih hin sualnak zeihmanh an tuahmi a um lo. Trump dirkamhnak ca aa put i, a fapa nih hin MAGA lukhuh aa khuh caah asi.

An i putmi catar cu hramhram in an chuh pin ah an hrawh piak dih. Cun hngakchia kum 7 nih aa khuhmi aluchinh zong asian lo buin an chuh rih. Hngakchiapa le hringtu a nu nih nu pahnih hna cu an dawinak fiang tein video in hmuh khawh asi. Hngakchiapa te nih cun ttah buin alukhuh ahal tthan hna nain an pek duh lo.

Lampi ah a ummi hna nih hngakchiapa lukhuh cu chuhpiak or lakpiak an timh nain nu pahnih nih an dir awnh rih hna. Tulio ahcun mah video hi US ah biatak tein alaar mi a si cang. Nu pahnih Democrats hna cu fak ngaiin sual an phawt hna mipi nih. Hi thawngpang cu Donald Trump tiang nih a theih. Trump afapa nih atimi cu Trump nih hngakchiapa hi lukhuh thar a pek lai tiah a chim ve.

Cu nu pahnih hna zong mizeidah an si timi theih an si cang i, Olivia Winslow le Camryan Amy an si tiah an theih cang hna. Nu pahnih hna cu police nih an tleih cang hna i, case biapi ngaiin sual an phawt hna ti asi. Hi konghe pehtlaiin Donald Trump a dirkamh mi hna hi Democrats pawl hna nih fahnak an pek mi hna hi an tlawm ti lo.

A nunnak aliammi zong tampi an um cang hna. Democrats hi thazaang hmangin dohkalhnak an tuah lengmang tawn. Hotel siseh motor tibantuk aphunphun an cawlcangh ning zoh an chia ngaingai. Trump ruangah nunnak aliammi hna le harsatnak phunphun atuarmi hna hi media ngan pawl hna nih an thuh nawh tawn ti asi. Cun Democrats pawl zohchia in an cawlcanghnak vialte zong hi an thuh nawh rih. Trump kongtu cu achiatnak lawngte in an tial tiah an chim.

Video hika hi hmat law video na zoh khawh lai

Be the first to comment

Leave a Reply

Your email address will not be published.


*