VAWLEI PI NIH AN KAN HMUH, AN KAN DIRPI

Salai Bawi Lian Mang: Vawlei pi nih an kan hmuh, an kan dirpi. February thla ni khat ni thok in Democracy, human rights le zalon nak caah nichiar inlo rian kal tak in le tthihpheih nak a phun phun lak ah CDM atuah mi, le Kawl ralkap a doh mi hna cawlcangh nak, hmanthlak le thil sining cu UN lei ah siseh, vawlei cung cozah le agency minthang hna sin ah siseh ni chiar in CHRO nih a thanh lengmang.

Vawlei cung minthang bik thawngzamh tu ah aitel mi (CNN) Cable News Networks tiang in Chin State khuakip i democracy, human rights le zalon nak caah nan cawlcangh nak thil si ning le hmanthlak cu an kan hal caah CHRO nih kan thanh peng hna.Nan hmanthlak, nan cawlcangh nak, vialte a phan dih.

A ho dah an tlaih, a ho dah ralkap lei ah a ttang, aho dah mipi lei ah attang, timi vialte record kan tuah dih.Mah hi zapi sin thanh awk a tha mi vial Chinland Guardian nih record a tuah mi asi.Mah hi link hi click law Chinram ah zeidah a cang timi tawifiang te in a lang lai. hika hi voikhat in hmehpiak law an ttialmi relchih khawh asi

Salai Pathawng:Hmailei ah nan Khua caah nan pengtlang caah tiin bawmhnak tor le cheng an kan pek te kho men. Bawmhnak pek ahcun an cohlan ko lai I kan lem kho ko hna lai tiin a lam kip in an i zuam len ve lai caah uknak tha lo hram hram uknak in a kan hruaitu hna nih khua ca siseh ram le miphun le pengtlang caah bawmhnak pekmi poah lak lo a tha. Lam chunhpiak siseh ti le mei siseh a phunphun in an i zuam len lai nain tutan kan tuah cang mi CDM ah luphum le zumhtlak tein pehzulh hram ko u sih.

Hawidang CDM ah i teltum in rian le khai le pawlcawmnak kaltak in lamzawh mi hna lakah mah zawn lawng i ruah in Zung a kai ko mi le CDM ah aa teltum duh lomi minung cu a dam lomi kan si tu i theih bak ding a si.Lungdongh loin kan pehzulh ahcun a phi tha a chuak te tikah mi hmai kan khap lo sual lai caah tu bantuk caan hi miphun le ram caah kan tuah khawhmi cu CDM ah i teltum hi a si caah mah te tal hi cu na tuanbia naa chimh ve awk ah rak i tel ve hrim ko uh.

Cozah si in zei bantuk rank kaiter le bawmhnak vialte pakhat hmanh cohlan lo ding a si. Chin miphun caah tuah ka duhmi a tam tiah a titu SAC zong Chin miphun nih kan cohlanpiak lo ahcun Chin miphun caah tuah a duhmi zeidah a tuah khawh taktak a langh te ko lai. Cozah cu mipi Cozah an si i mipi nih duhlo ahcun Cozah cu zeidah an tuah khawh khe lai?Kan tuah cangmi cungah lungsau thinfual in a dihdongh tiang ttang ko u sih

Be the first to comment

Leave a Reply

Your email address will not be published.


*